ಲಖನೌ (ಐಎಎನ್ಎಸ್): ಸೆಟ್ ಟಾಪ್ ಬಾಕ್ಸ್ಗಳನ್ನು ಅಳವಡಿಸಿಕೊಳ್ಳಲು ಸರ್ಕಾರ ವಿಧಿಸಿರುವ ಗಡುವು ಮುಗಿದ ಬೆನ್ನಲ್ಲೇ ಉತ್ತರ ಪ್ರದೇಶದ ಏಳು ಪ್ರಮುಖ ನಗರಗಳಲ್ಲಿ ಸುಮಾರು 7.5 ಲಕ್ಷಕ್ಕೂ ಹೆಚ್ಚು ಟಿವಿಗಳು ಸೋಮವಾರ ಸ್ತಬ್ಧಗೊಂಡಿವೆ.
ರಾಜಧಾನಿ ಲಖನೌದಲ್ಲಿ ಎರಡು ಲಕ್ಷಕ್ಕೂ ಹೆಚ್ಚು ಟೀವಿಗಳು ಸ್ತಬ್ಧಗೊಂಡಿವೆ. ಉಳಿದ 5.46 ಲಕ್ಷಗಳಷ್ಟು ಟೀವಿಗಳು ಉತ್ತರ ಪ್ರದೇಶದ ಇತರ 6 ನಗರಗಳಾದ ಕಾನ್ಪುರ (1.5ಲಕ್ಷ), ಆಗ್ರಾ(1.5ಲಕ್ಷ), ವಾರಣಾಸಿ(70 ಸಾವಿರ), ಆದಿಲಾಬಾದ್(62 ಸಾವಿರ), ಗಾಜಿಯಾಬಾದ್(60 ಸಾವಿರ) ಮತ್ತು ಮೀರತ್(54 ಸಾವಿರ)ಗಳಲ್ಲಿ ಸ್ತಬ್ಧ ಗೊಂಡಿವೆ. ಇದು ಕೇಂದ್ರ ಸರ್ಕಾರದ ನೀತಿಯಾಗಿದ್ದು, ಟೀವಿಯನ್ನು `ಡಿಜಿಟಲೀಕರಣ'ಗೊಳಿಸುವುದು ಇದರ ಉದ್ದೇಶ. ಇದರಲ್ಲಿ ತಮ್ಮದೇನು ಪಾತ್ರವಿಲ್ಲ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಮಾರ್ಚ್ 31ರ ಗಡುವನ್ನು ಆರು ತಿಂಗಳ ಕಾಲ ವಿಸ್ತರಿಸುವಂತೆ ಕೋರಿ ಮಾಹಿತಿ ಹಾಗೂ ಪ್ರಸಾರ ಖಾತೆ ಸಚಿವ ಮನಿಷ್ ತಿವಾರಿ ಅವರಿಗೆ ಮುಖ್ಯಮಂತ್ರಿ ಅಖಿಲೇಶ್ ಯಾದವ್ ಅವರು ಕಳೆದ ವಾರ ಪತ್ರ ಬರೆದಿದ್ದರು.
ಆದರೆ ಪತ್ರಕ್ಕೆ ತಿವಾರಿ ಪ್ರತಿಕ್ರಿಯಿಸಿಲ್ಲ ಎಂದು ಅಧಿಕಾರಿಗಳು ಹೇಳಿದ್ದಾರೆ.