ಮೆಲ್ಬರ್ನ್ (ಐಎಎನ್ಎಸ್): ಮಹತ್ವದ ಅಂತರರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಆಡುವ ಡಬಲ್ಸ್ ಜೋಡಿಯನ್ನು ಸೂಕ್ತವಾದ ರೀತಿಯಲ್ಲಿ ರೂಪಿಸದ ಅಖಿಲ ಭಾರತ ಟೆನಿಸ್ ಸಂಸ್ಥೆ (ಎಐಟಿಎ) ವಿರುದ್ಧ ಮಹೇಶ್ ಭೂಪತಿ ಕಿಡಿಕಾರಿದ್ದಾರೆ.
ದೇಶವನ್ನು ಪ್ರತಿನಿಧಿಸುವ ತಂಡವನ್ನು ಆಯ್ಕೆ ಮಾಡುವಾಗ ಯಾವುದೇ ವಿವೇಚನೆ ಇಲ್ಲದೇ ಮನಬಂದಂತೆ ಜೋಡಿಗಳನ್ನು ಮಾಡುತ್ತಾರೆಂದು ದೂರಿರುವ ಅವರು `2010ರ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಸಾನಿಯಾ ಮಿರ್ಜಾ ಅವರನ್ನು ಮಿಶ್ರ ಡಬಲ್ಸ್ನಲ್ಲಿ ಲಿಯಾಂಡರ್ ಪೇಸ್ ಜೊತೆಗೆ ಆಡಿಸಲಾಗಿತ್ತು. ಆ ಕೂಟಕ್ಕೆ ಮುನ್ನ ನಾನು ಹಾಗೂ ಸಾನಿಯಾ ಆಸ್ಟ್ರೇಲಿಯಾ ಓಪನ್ನಲ್ಲಿ ಚಾಂಪಿಯನ್ ಆಗಿದ್ದೆವು. ಆದರೂ ಆ ಅಂಶವನ್ನು ಪರಿಗಣಿಸಲಿಲ್ಲ~ ಎಂದು ಗುರುವಾರ ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.
ಆಸ್ಟ್ರೇಲಿಯಾ ಓಪನ್ನಲ್ಲಿ ಆಡುತ್ತಿರುವ ಅವರು ಲಂಡನ್ ಒಲಿಂಪಿಕ್ನಲ್ಲಿ ತಮ್ಮ ಜೊತೆಗೆ ಮಿಶ್ರಡಬ ಲ್ಸ್ನಲ್ಲಿ ಯಾರು ಆಡುತ್ತಾರೆ ಎನ್ನುವುದು `ಗೊತ್ತಿಲ್ಲ~ವೆಂದು ಸ್ಪಷ್ಟವಾಗಿ ಹೇಳಿದರು.