ನವದೆಹಲಿ(ಪಿಟಿಐ): ಕಳೆದೊಂದು ವರ್ಷದಲ್ಲಿ ವಿದೇಶಿ ನೇರ ಹೂಡಿಕೆ(ಎಫ್ಡಿಐ)ಗೆ ಸಂಬಂಧಿಸಿ ಬಹಳಷ್ಟು ಬದಲಾವಣೆಗಳಾಗಿದ್ದು, `ಕ್ರೋಡೀಕೃತ ಎಫ್ಡಿಐ-6ನೇ ಆವೃತ್ತಿ' ಇದೇ ವಾರ ಪ್ರಕಟಗೊಳ್ಳಲಿದೆ ಎಂದು`ಕೈಗಾರಿಕಾ ನೀತಿ ಮತ್ತು ಉತ್ತೇಜನ ಇಲಾಖೆ'(ಡಿಐಪಿಪಿ) ಹೇಳಿದೆ.
2011-12ನೇ ಹಣಕಾಸು ವರ್ಷದ ಮೊದಲ 10 ತಿಂಗಳಲ್ಲಿ 3100 ಕೋಟಿ ಡಾಲರ್(ರೂ. 1.67 ಲಕ್ಷ ಕೋಟಿ) ವಿದೇಶಿ ನೇರ ಹೂಡಿಕೆ ಹರಿದುಬಂದಿದ್ದರೆ, ಪ್ರಸಕ್ತ ಹಣಕಾಸು ವರ್ಷದ ಅದೇ ಅವಧಿಯಲ್ಲಿ ಶೇ 33ರಷ್ಟು ಕುಸಿತವಾಗಿದೆ. 2100 ಕೋಟಿ ಡಾಲರ್(ರೂ.1.13 ಲಕ್ಷ ಕೋಟಿ) `ಎಫ್ಡಿಐ' ಬಂದಿದೆ.
