ವಾಷಿಂಗ್ಟನ್‌ (ಪಿಟಿಐ): ಕ್ಯಾಲಿಫೋರ್ನಿಯಾದ ಟಾಡ್‌ ಡನ್‌ಲ್ಯಾಪ್‌ ಎಂಬ 62 ವರ್ಷದ ವ್ಯಕ್ತಿಯ ರಕ್ತನಾಳಗಳಲ್ಲಿ ಹೆಪ್ಪುಗಟ್ಟಿದ್ದ ಸುಮಾರು ಎರಡು ಅಡಿಯಷ್ಟು ರಕ್ತವನ್ನು ತೆಗೆಯುವಲ್ಲಿ ಅಮೆರಿಕದ ವೈದ್ಯರು ಯಶಸ್ವಿಯಾಗಿದ್ದಾರೆ.
ವ್ಯಕ್ತಿಯ ಹೃದಯ, ಶ್ವಾಸಕೋಶದಿಂದ ಕಾಲುಗಳವರೆಗೂ ರಕ್ತ ಹೆಪ್ಪುಗಟ್ಟಿರುವುದು ಸಿಟಿ ಸ್ಕ್ಯಾನ್‌ನಲ್ಲಿ ಪತ್ತೆಯಾಗಿತ್ತು.
ರೋನಾಲ್ಡ್‌ ರೇಗನ್‌ ವೈದ್ಯಕೀಯ ಕೇಂದ್ರದ ವೈದ್ಯರು ತೆರೆದ ಹೃದಯ ಶಸ್ತ್ರಚಿಕಿತ್ಸೆ ಅಥವಾ ಎಂಜಿಯೋ ವ್ಯಾಕ್‌ ಎಂಬ ಹೊಸ ವಿಧಾನದ ಶಸ್ತ್ರಚಿಕಿತ್ಸೆಗೆ ಒಳಗಾಗುವಂತೆ ಸಲಹೆ ನೀಡಿದರು.
ಮೊದಲ ಬಾರಿಗೆ ಕಡಿಮೆ ರಕ್ತಸ್ರಾವದ ಮತ್ತು ಕಡಿಮೆ ಪ್ರಮಾಣದ ಗಾಯದ ಎಂಜಿಯೋ ವ್ಯಾಕ್‌ ಯಂತ್ರ ಬಳಸಿ ಹೆಪ್ಪುಗಟ್ಟಿದ ರಕ್ತವನ್ನು ಯಶಸ್ವಿಯಾಗಿ ಹೊರ ತೆಗೆಯಲಾಯಿತು.
