ಇಸ್ರೊದ ವಾಣಿಜ್ಯ ಅಂಗಸಂಸ್ಥೆಯಾದ ‘ಅಂತರಿಕ್ಷ್’ ಮತ್ತು ದೇವಾಸ್ ಮಲ್ಟಿಮೀಡಿಯಾ ಪ್ರೈವೇಟ್ ಲಿಮಿಟೆಡ್ ಎಂಬ ಖಾಸಗಿ ಸಂಸ್ಥೆ ಜತೆ ಏರ್ಪಟ್ಟ ಎಸ್- ಬ್ಯಾಂಡ್ ತರಂಗಾಂತರ ಹಂಚಿಕೆ ಒಪ್ಪಂದದಿಂದಾಗಿ ಭಾರಿ ನಷ್ಟವಾಗಿದೆ ಎಂದು ಕೆಲ ಮಾಧ್ಯಮಗಳಲ್ಲಿ ವರದಿಯಾಗಿದೆ. ಆದರೆ ಈ ಸಂಬಂಧ ಸಿಎಜಿ ಕಚೇರಿ ಹಾಗೂ ಅಂತರಿಕ್ಷ ಇಲಾಖೆಗಳು ಈಗಾಗಲೇ ಪತ್ರಿಕಾ ಹೇಳಿಕೆ ನೀಡಿ ವಸ್ತುಸ್ಥಿತಿ ಏನೆಂಬುದನ್ನು ವಿವರಿಸಿವೆ. ಎಸ್- ಬ್ಯಾಂಡ್ ತರಂಗಾಂತರವನ್ನು ಅಂತರಿಕ್ಷ್‌ಗಾಗಲೀ ಅಥವಾ ದೇವಾಸ್‌ಗಾಗಲೀ ಹಂಚಿಕೆ ಮಾಡುವ ಕುರಿತು ಸರ್ಕಾರ ನಿರ್ಧರಿಸಿಲ್ಲ ಎಂದು ಪತ್ರಿಕಾ ಹೇಳಿಕೆಯಲ್ಲಿ ಸ್ಪಷ್ಟಪಡಿಸಲಾಗಿದೆ.
