ನವದೆಹಲಿ (ಪಿಟಿಐ): ಭಾರತದ ಸಂಜೀವ್ ರಜಪೂತ್, ಐಎಸ್‌ಎಸ್‌ಎಫ್ ವಿಶ್ವಕಪ್‌ನ ಪುರುಷರ 50 ಮೀಟರ್ಸ್ ರೈಫಲ್ 3 ಪೊಸಿಷನ್ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಲು ವಿಫಲರಾದರು.
ಕೊರಿಯಾದ ಚಾಂಗ್ವನ್‌ನಲ್ಲಿ ಮಂಗಳವಾರ ನಡೆದ ಮೂರು ವಿಧದ ಈ ಸ್ಪರ್ಧೆಯಲ್ಲಿ ಅವರು 1144 ಅಂಕಗಳೊಂದಿಗೆ 10ನೇ ಸ್ಥಾನ ಪಡೆದರು. ಫೈನಲ್‌ನಲ್ಲಿ ಕೇವಲ ಎಂಟು ಸ್ಪರ್ಧಿಗಳಿಗೆ ಮಾತ್ರ ಅವಕಾಶವಿರುವ ಕಾರಣ ಸಂಜೀವ್ ರಾಥೋಡ್ ಟೂರ್ನಿಯಿಂದ ಹೊರಬಿದ್ದರು.
ಭಾರತದ ಇನ್ನಿಬ್ಬರು ಸ್ಪರ್ಧಿಗಳಾದ ಸುರೇಂದ್ರ ಸಿಂಗ್ ರಾಥೋಡ್ 17ನೇ ಮತ್ತು ಚೈನ್ ಸಿಂಗ್ 20ನೇ ಸ್ಥಾನ ಗಳಿಸಿದರು. ಈ ವಿಶ್ವಕಪ್‌ನಲ್ಲಿ ಭಾರತ ಈವರೆಗೆ ಒಂದು ಚಿನ್ನ ಮತ್ತು ಒಂದು ಕಂಚಿನ ಪದಕ ಗೆದ್ದಿದೆ.
