`ಏಕ್ ಬುರಾ ಆದ್ಮಿ~ ಚಿತ್ರದ ಸೆಟ್ ಅದು. ನಾಯಕ ಅರುಣೋದಯ ಸಿಂಗ್, ನಿರ್ದೇಶಕ ಇಶ್ರಾಕ್ ಶಾ, ನಾಯಕಿ ರಿಯಾ ಸೇನ್ಗಾಗಿ ಕಾಯುತ್ತಿದ್ದರು. ಅಂದು ಹಾಡಿನ ಚಿತ್ರೀಕರಣ ನಡೆಯಬೇಕಿತ್ತು. ತಡವಾಗಿ ಸೆಟ್ಗೆ ಬಂದ ರಿಯಾ, `ಇಂಥ ಡಾನ್ಸ್ಗೆ ತನಗೆ ತಾಲೀಮಿನ ಅಗತ್ಯ ಇದೆ. ಹುಷಾರಿಲ್ಲದ ಕಾರಣ ತನಗೆ ತಾಲೀಮು ಮಾಡಲು ಆಗಲಿಲ್ಲ. ಅಲ್ಲದೇ ಇದು ಐಟಂ ಡಾನ್ಸ್ನಂತಿದೆ. ತಾನು ಐಟಂ ಡಾನ್ಸ್ ಮಾಡುವ ಹುಡುಗಿಯಲ್ಲ. ಇಂಥ ಹಾಡಿನಲ್ಲಿ ನರ್ತಿಸುವ ಅಗತ್ಯ ತನಗಿಲ್ಲ~ ಎಂದು ತಕರಾರು ತೆಗೆದು ಸೆಟ್ನಿಂದ ಹೊರನಡೆದಳಂತೆ. ಈ ಘಟನೆಯನ್ನು ವಿವರಿಸಿರುವ ನಿರ್ದೇಶಕರು `ಈ ಮೊದಲೇ ಐಟಂ ಹಾಡಿನಲ್ಲಿ ನರ್ತಿಸುವ ಅಗತ್ಯ ಇದೆ ಎಂದು ಹೇಳಲಾಗಿತ್ತು. ಆದರೂ ರಿಯಾ ಸುಳ್ಳೇ ತಕರಾರು ತೆಗೆದಿದ್ದಾಳೆ~ ಎಂದಿದ್ದಾರೆ. ರಿಯಾಳ ತಕರಾರಿನಿಂದಾಗಿ ನಿರ್ಮಾಪಕರಿಗೆ 70-80 ಲಕ್ಷ ರೂಪಾಯಿ ನಷ್ಟವಾಗಿದೆಯಂತೆ.