ಬೆಂಗಳೂರು: ಮೂಲ ಸೌಕರ್ಯ ಅಭಿವೃದ್ಧಿ ಹಣಕಾಸು ಸಂಸ್ಥೆಯು (ಐಡಿಎಫ್‌ಸಿ) ರೂ.5000 ಕೋಟಿ ಸಂಗ್ರಹಿಸಲು ಮೂಲ ಸೌಕರ್ಯ ಬಾಂಡ್‌ಗಳ ಎರಡನೇ ಭಾಗವನ್ನು ಸಾರ್ವಜನಿಕ ನೀಡಿಕೆಗೆ ಬಿಡುಗಡೆ ಮಾಡಿದೆ.
ಇವುಗಳ ಮುಖಬೆಲೆ ರೂ.5000 ಆಗಿದೆ.ಈಬಾಂಡ್‌ಗಳಿಗೆ ಶೇ 8.70ರಷ್ಟು ಬಡ್ಡಿ ನೀಡಲಾಗುವುದು. ಈ ಬಾಂಡ್‌ಗಳಲ್ಲಿ ಹೂಡಿಕೆ ಮಾಡುವ ಹಣಕ್ಕೆ, ಪ್ರಸಕ್ತ ಹಣಕಾಸು ವರ್ಷದ ಆದಾಯ ತೆರಿಗೆ ವ್ಯಾಪ್ತಿಗೆ ಒಳಪಡುವ ಆದಾಯದಲ್ಲಿ ರೂ.20 ಸಾವಿರದಷ್ಟು ಹೆಚ್ಚುವರಿ ಕಡಿತದ ಸೌಲಭ್ಯ ಇದೆ. ಈ ನೀಡಿಕೆಯು ಫೆಬ್ರುವರಿ 25ರವರೆಗೆ ಜಾರಿಯಲ್ಲಿ ಇರಲಿದೆ.
