ನವದೆಹಲಿ (ಪಿಟಿಐ): ಈ ಹಿಂದೆ ಪ್ರಕಟಿಸಿರುವ ಮತ್ತು ನಿರ್ವಹಿಸಿರುವ ಆರಂಭಿಕ ಸಾರ್ವಜನಿಕ ಕೊಡುಗೆಗಳ (ಐಪಿಒ) ಸಾಧನೆ ವಿವರಗಳನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸಲು ಮರ್ಚೆಂಟ್ಸ್ ಬ್ಯಾಂಕರ್ಸ್‌ಗಳು ಮುಂದಾಗಿವೆ.
ಹೂಡಿಕೆದಾರರ ಹಿತಾಸಕ್ತಿಯಿಂದ `ಐಪಿಒ~ ಸಾಧನೆ ದಾಖಲೆಗಳನ್ನು ಕಡ್ಡಾಯವಾಗಿ ಬಹಿರಂಗಪಡಿಸುವಂತೆ ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಮರ್ಚೆಂಟ್ಸ್ ಬ್ಯಾಂಕರ್ಸ್‌ಗಳಿಗೆ ಸೂಚಿಸಿತ್ತು.
`ಸೆಬಿ~ ನಿಯಮದನ್ವಯ ಎಡಿಲ್‌ವೈಸ್, ಸಿಟಿ ಮತ್ತು ಮೋರ್ಗನ್ ಸ್ಟ್ಯಾನ್ಲಿ ಹಣಕಾಸು ಸಂಸ್ಥೆಗಳು ಈ ಹಿಂದಿನ `ಐಪಿಒ~ ಸಾಧನೆ ಮಾಹಿತಿ ಬಹಿರಂಗಗೊಳಿಸಿವೆ. ಮೋರ್ಗನ್ ಸ್ಟ್ಯಾನ್ಲಿ ಐದು `ಐಪಿಒ~ಗಳನ್ನು ಬಿಡುಗಡೆ ಮಾಡಿದ್ದು, ಈ ಕುರಿತು ಮಾಹಿತಿ ಬಹಿರಂಗಪಡಿಸಿದೆ.
