ನವದೆಹಲಿ (ಪಿಟಿಐ): `ಡೌ ಕೆಮಿಕಲ್ಸ್~ ಕಂಪೆನಿಯನ್ನು ಪ್ರಾಯೋಜಕತ್ವದಿಂದ ಕೈಬಿಡದಿದ್ದರೆ ಲಂಡನ್ ಒಲಿಂಪಿಕ್ ಕೂಟವನ್ನು ಭಾರತ ಬಹಿಷ್ಕರಿಸಬೇಕು ಎಂದು ಪ್ಯಾರಾಲಿಂಪಿಕ್ಸ್‌ನಲ್ಲಿ ಪಾಲ್ಗೊಳ್ಳುವ ಅಥ್ಲೀಟ್‌ಗಳು ಸರ್ಕಾರವನ್ನು ಆಗ್ರಹಿಸಿದ್ದಾರೆ.
`ಭಾರತದ ಎಲ್ಲ ಅಂಗವಿಕಲ ಅಥ್ಲೀಟ್‌ಗಳು 2012ರ ಲಂಡನ್ ಪ್ಯಾರಾಲಿಂಪಿಕ್ ಕೂಟವನ್ನು ಬಹಿಷ್ಕರಿಸಲು ಮುಂದಾಗಬೇಕು~ ಎಂದು ಹರಿಯಾಣ ಪ್ಯಾರಾಲಿಂಪಿಕ್ ಸಂಸ್ಥೆ ಕಾರ್ಯದರ್ಶಿ ಗಿರಾಜ್ ಸಿಂಗ್ ಹೇಳಿದ್ದಾರೆ.
`ಭಾರತ ಒಲಿಂಪಿಕ್ ಸಂಸ್ಥೆ ಮತ್ತು ಕ್ರೀಡಾ ಸಚಿವಾಲಯವು ಡೌ ಕಂಪೆನಿಯ ಪ್ರಾಯೋಜಕತ್ವದ ವಿರುದ್ಧದ ತನ್ನ ಪ್ರತಿಭಟನೆಯನ್ನು ಇನ್ನಷ್ಟು ಹೆಚ್ಚಿಸಬೇಕು~ ಎಂದು ಅವರು ತಿಳಿಸಿದ್ದಾರೆ.
`ಡೌ ಕೆಮಿಕಲ್ಸ್~ ಕಂಪೆನಿ ಲಂಡನ್ ಒಲಿಂಪಿಕ್ ಕ್ರೀಡೆಗಳ ಪ್ರಾಯೋಜಕ ಸಂಸ್ಥೆಗಳಲ್ಲಿ ಒಂದಾಗಿದೆ. ಭೋಪಾಲ ಅನಿಲ ದುರಂತಕ್ಕೆ ಕಾರಣವಾಗಿದ್ದ ಯೂನಿಯನ್ ಕಾರ್ಬೈಡ್ ಸಂಸ್ಥೆಯನ್ನು ಈ ಕಂಪೆನಿ 1999 ರಲ್ಲಿ ಕೊಂಡುಕೊಂಡಿತ್ತು. ಈ ಕಾರಣ ಭಾರತ ಕಂಪೆನಿಯ ಪ್ರಾಯೋಜಕತ್ವವನ್ನು ವಿರೋಧಿಸುತ್ತಿದೆ.
