ಓದುಗರ ಪತ್ರ

`ಕಲೆ, ಕ್ರೌರ್ಯ ಹಾಗೂ ಕಾಂಬೋಡಿಯಾ~ ಬರಹ ಮನಸ್ಸಿಗೆ ಮುಟ್ಟಿತು. ವಿದೇಶಿಗರ ದಬ್ಬಾಳಿಕೆಯಿಂದ ಉಂಟಾದ ಸಾಂಸ್ಕೃತಿಕ-ಸಾಮಾಜಿಕ ಹಾನಿಯನ್ನು ತಿಳಿದು ಬೇಸರವಾಯಿತು. ಡಾ.ಆಶಾ ಬೆನಕಪ್ಪ ಅವರ `ಅಂತಃಕರಣ~ ಅಂಕಣ ಸೊಗಸಾಗಿ ಮೂಡಿಬರುತ್ತಿದೆ.
-ಬಿ.ಎಸ್.ಮುಳ್ಳೂರ, ಹಲಗತ್ತಿ

 `ನನ್ನ ಅಪ್ಪಾಜಿ~ (ಡಾ.ಆಶಾ ಬೆನಕಪ್ಪ- ಅಂತಃಕರಣ) ಲೇಖನ ಅಂಕಣಕಾರ್ತಿ ಮತ್ತು ಅವರ ತಂದೆಯ ಬಗ್ಗೆ ಹೆಮ್ಮೆ ಮೂಡುವಂತೆ ಮಾಡಿತು. ಬೆನಕಪ್ಪನವರದು ಸ್ಫೂರ್ತಿದಾಯಕ ಯಶೋಗಾಥೆ. 
-ಬಾ.ರಂ.ಸುರೇಶ್, ಶಿವಮೊಗ್ಗ

ವಿ.ಎಸ್.ಎಸ್. ಶಾಸ್ತ್ರಿ ಅವರನ್ನು ಕುರಿತ ಕೆ. ನರಸಿಂಹಮೂರ್ತಿ ಅವರ ಬರಹ ಉತ್ತಮ ವ್ಯಕ್ತಿಚಿತ್ರಕ್ಕೊಂದು ಮಾದರಿ. ಕರಿಯು ಕನ್ನಡಿಯಲ್ಲಿ ಅಡಗಿದಂತೆ ಶಾಸ್ತ್ರಿ ಅವರ ಸಮಗ್ರ ವ್ಯಕ್ತಿತ್ವ ಲೇಖನದಲ್ಲಿ ಅಡಕಗೊಂಡಿದೆ. 
 -ರುದ್ರೇಶ್ ಬಿ. ಅದರಂಗಿ, ಬೆಂಗಳೂರು

ಬ್ಯಾಂಕ್ ಉದ್ಯೋಗಿಯಾಗಿದ್ದುಕೊಂಡು ಗಣಿತ ವಿಜ್ಞಾನದಲ್ಲಿ ಆಸಕ್ತಿಯಿಂದ ಸೃಜನಾತ್ಮಕ ಚಟುವಟಿಕೆ ಮಾಡುತ್ತಿರುವ ಕೋಲಾರದ ಶಿವಶಂಕರ ಶಾಸ್ತ್ರಿ ಅವರ ವ್ಯಕ್ತಿತ್ವದ ಪರಿಚಯ ಸೊಗಸಾಗಿದೆ. ಕಾಗದದ ಮೂಲಕ ಮಕ್ಕಳಿಗೆ ಆಸಕ್ತಿಯಿಂದ ಪಾಠ ಮಾಡುವ ಇವರ ಕಲೆ ಶಿಕ್ಷಕರಿಗೂ ಅನುಕರಣೀಯ.
-ಸುರೇಶ ಅಂಗಡಿ, ಹೂವಿನ ಹಡಗಲಿ