ಓದುಗರ ಪತ್ರ: ಧಾರ್ಮಿಕ ಮತ್ತು ವೈಚಾರಿಕತೆಯ ಸಂಗಮ

ಲೇಖನ ರಂಜಾನ್ ಹಬ್ಬದ ಆಚರಣೆಯ ವಿಶಿಷ್ಟತೆಯನ್ನು ಎಳೆಎಳೆಯಾಗಿ ತೆರೆದಿಟ್ಟಿತು. ಇದು ವಿವಿಧತೆಯಲ್ಲಿ ಏಕತೆಯನ್ನು ಸಾರುವ ರಾಷ್ಟ್ರೀಯ ಭಾವೈಕ್ಯತೆ ಮೂಡಿಸುವ ಹಬ್ಬವಾಗಿದೆ.
 ಕೆ.ವಿ.ಶಿವಕುಮಾರ್, ಕಾಳೀಹುಂಡಿ

ರಂಜಾನ್ ಮಾಸದ ಉಪವಾಸದ ವ್ರತಗಳು ಧಾರ್ಮಿಕ ಮತ್ತು ವೈಚಾರಿಕತೆಯ ಸಂಗಮದಂತಿದೆ. ದೇಹವನ್ನು ಶುದ್ಧಗೊಳಿಸುವ ಸಾಧನ ಉಪವಾಸ. ಅದು ತಾಳ್ಮೆಯ ಅರ್ಧಾಂಶವಾಗಿದೆ ಎನ್ನುವ ಸಾಲುಗಳು ವೈಚಾರಿಕತೆಯಲ್ಲಿ ಆರೋಗ್ಯದ ಪಾಠದಂತಿದೆ.

ಶಮ್ಮಿಕಪೂರ್ ಎಂಬ ಕನಸುಗಾರನ ಬದುಕನ್ನು `ಜಂಗ್ಲಿಯಾನ~ ಲೇಖನದಲ್ಲಿ ಆರ್.ಪೂರ್ಣಿಮಾ ಸುಂದರವಾಗಿ ಚಿತ್ರಿಸಿದ್ದಾರೆ.
 ಎಚ್.ಆನಂದ್ ಕುಮಾರ್, ಚಿತ್ರದುರ್ಗ

ಜಂಗ್ಲಿಯಾನ ಲೇಖನ ಶಮ್ಮಿಕಪೂರನ ವಿಶಿಷ್ಟಪೂರ್ಣ ಅಭಿನಯ ಮತ್ತು ನೈಜ ಬದುಕಿನ ಪರಿಚಯ ಮಾಡಿಕೊಟ್ಟಿತು. ಅದೇ ಕಾಲಘಟ್ಟದವನಾದ ನಾನು ಅವರ ಚಿತ್ರದ ಎಲ್ಲಾ ಹಾಡುಗಳನ್ನೂ ಕೇಳಿ ಆನಂದಿಸಿದವನು. ದೇಶೀ ಪ್ರೇಮವನ್ನು ವಿದೇಶಿ ಪ್ರಣಯವಾಗಿ ಪರಿವರ್ತಿಸಿದ ಶಮ್ಮಿ ಮೂಕಿಯಾಗಿದ್ದ ಪ್ರೇಮವನ್ನು ಟಾಕಿಯಾಗಿ ಮಾಡಿದರು. ಅವರ ಸಿನಿಮಾ ಯಾನವನ್ನು ಆಕರ್ಷಕ ಪದಪುಂಜಗಳಿಂದ ಬಣ್ಣಿಸಿದ ಲೇಖಕಿಗೆ ಧನ್ಯವಾದಗಳು.
 ಜಯವಂತ ಕಾಡದೇವರ, ಬನಹಟ್ಟಿ

`ನಿಸರ್ಗದ ಕುಸುರಿ ಯೊಸೆಮಿಟಿ~ (ಸಾ.ಪು.ಆ.21) ಲೇಖನದಲ್ಲಿ ಎ.ಎಸ್‌ನಾರಾಯಣರಾವ್ ಅವರು ಸ್ಥೂಲವಾಗಿದ್ದರೂ ವರ್ಣರಂಜಿತವಾಗಿ ವಿವರಿಸಿದ್ದಾರೆ. ಪ್ರಕೃತಿ ಕೆತ್ತನೆಯ ಕಣಿವೆಗಳ ನಡುವೆ ಅವಿತಿರುವ ಈ ನಯನ ಮನೋಹರ ಸ್ಥಳವನ್ನು ಕಣ್ಣಿಗೆ ಕಟ್ಟುವಂತೆ ಲೇಖಕರು ಚಿತ್ರಿಸಿದ್ದಾರೆ. 
 ಬಿ.ಎನ್.ಸೊಲ್ಲಾಪುರೆ, ಬೀದರ್