ಚಾಮರಾಜಪೇಟೆ ವಿಧಾನಸಭಾ ವ್ಯಾಪ್ತಿಯ ವಾರ್ಡ್ ನಂ. 139ರ ಗೂಡ್ ಶೆಡ್ ರೋಡ್‌ನ ಮಗ್ಗಲಲ್ಲಿರುವ ಭಕ್ಷಿ ಗಾರ್ಡನ್ ಪ್ರದೇಶದಲ್ಲಿರುವ ಸಾರ್ವಜನಿಕ ಉದ್ಯಾನವನ ಕಸದ ತೊಟ್ಟಿಯಾಗಿ ಮಾರ್ಪಟ್ಟಿದೆ.ಉದ್ಯಾನವನದ ಸ್ಥಿತಿಯ ಬಗ್ಗೆ ಬಿಬಿಎಂಪಿ ಹೆಲ್ಪ್‌ಲೈನ್‌ಗೆ ಕರೆ ಮಾಡಿ ವಿವರಿಸಿದರೆ, `ನಿಮ್ಮ ದೂರಿನ ಸಂಖ್ಯೆ 88265 (2012ರ ಮೇ 5ರಂತೆ).
ನಿಮ್ಮ ದೂರನ್ನು ತೋಟಗಾರಿಕೆ ಇಲಾಖೆಯ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ನಾಗಪ್ಪ ಅವರಿಗೆ ವರ್ಗಯಿಸಲಾಗಿದೆ~ ಎಂದು ಹೇಳುತ್ತಾರೆ. ನಾಗಪ್ಪ ಅವರನ್ನು ವಿಚಾರಿಸಿದರೆ, ಉದ್ಯಾನವನವನ್ನು ಶುಚಿ ಮಾಡಲು ಪಾಲಿಕೆ ವತಿಯಿಂದ ಟೆಂಡರ್ ಕರೆಯಬೇಕು. ಅಲ್ಲಿಯವರೆಗೂ ಏನೂ ಮಾಡಲು ಆಗುವುದಿಲ್ಲ ಎಂದು ಪ್ರತಿಕ್ರಿಯಿಸುತ್ತಾರೆ.
ಈ ಉದ್ಯಾನವನದ ಆಸುಪಾಸಿನಲ್ಲಿ ಪೌರ ಕಾರ್ಮಿಕರ ಆರೋಗ್ಯ ಇಲಾಖೆ, ದೇವಸ್ಥಾನ, ಶಾಲೆ, ಮನೆಗಳು, ಮುಖ್ಯರಸ್ತೆಯೂ ಇದೆ. ಇಲ್ಲಿ ಗಬ್ಬು ವಾಸನೆ ಬೀರುತ್ತಿದ್ದರೂ ಪಾಲಿಕೆ ಅಧಿಕಾರಿಗಳಿಗಾಗಲಿ, ಜನ ಪ್ರತಿನಿಧಿಗಳಿಗಾಗಲಿ ಉದ್ಯಾನವನದ ಅಭಿವೃದ್ಧಿಯತ್ತ ಗಮನಹರಿಸಿಲ್ಲ. ಇದಕ್ಕೆ ಮುಕ್ತಿ ಎಂದು?
