ರಾಮ್ಕಿ ಬಿಗ್ ಹಸಿರು ಗಣೇಶನ ವಿಸರ್ಜನೆ ಭಾನುವಾರ ಹಲಸೂರು ಕೆರೆಯಲ್ಲಿ ನಡೆಯಿತು. ಸೆಂಟ್ರಲ್ ಮಾಲ್‌ನಿಂದ ಹೊರಟ ಮೆರವಣಿಗೆ ಮುಂಭಾಗದಲ್ಲಿ ಸಾಂಪ್ರದಾಯಿಕ ಸಂಗೀತ, ನೃತ್ಯ ಹಾಗೂ ಡೊಳ್ಳು ತಂಡಗಳಿದ್ದವು.
10 ಅಡಿ ಎತ್ತರದ ಈ ಗಣೇಶ ಮೂರ್ತಿಯನ್ನು ರದ್ದಿ ಕಾಗದ ಬಳಸಿ ನಿರ್ಮಿಸಲಾಗಿತ್ತು ಎನ್ನುವುದೇ ವಿಶೇಷ. ಕಲಾವಿದ ಅಕ್ಷಯ್ ಹೆಬ್ಳೀಕರ್, ಗಾಯಕಿ ಚೈತ್ರಾ ಹಾಗೂ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಅಧಿಕಾರಿ ನಂದಕುಮಾರ್ ಅವರು ಈ ಹಸಿರು ಗಣೇಶನ ಪರಿಕಲ್ಪನೆಯನ್ನು ಬಹುವಾಗಿ ಶ್ಲಾಘಿಸಿದರು.
ಜನರಲ್ಲಿ ಜಾಗೃತಿ ಮೂಡಿಸಲು ರಾಮ್ಕಿ ಹಾಗೂ ಎವರ್‌ಶೂರ್ ಆರ್‌ಒ ವಾಟರ್ ಪ್ಯೂರಿಫೈಯರ್ ಸಂಸ್ಥೆ ಜತೆಗೂಡಿ 92.7 ಬಿಗ್ ಎಫ್‌ಎಂ ಕೇಂದ್ರ ಈ `ರಾಮ್ಕಿ ಬಿಗ್ ಗ್ರೀನ್ ಗಣೇಶ~ ಪ್ರತಿಷ್ಠಾಪಿಸಿತ್ತು.
