ಕಾಮನ್ವೆಲ್ತ್ ಕ್ರೀಡಾಕೂಟದ ಅವ್ಯವಹಾರಗಳ ಕುರಿತು ತನಿಖೆ ನಡೆಸಲು ಪ್ರಧಾನಿಯವರು ನೇಮಿಸಿದ್ದ ಎ.ಕೆ. ಶುಂಗ್ಲು ಸಮಿತಿ ವರದಿ ಪ್ರಕಾರ, ಬ್ರಿಟನ್ನಿನ ಎಸ್ಐಎಸ್ ಲೈವ್ ಫಾರ್ ಟೆಲಿಕಾಸ್ಟ್ ಎಂಬ ಕಂಪೆನಿಯೊಂದಿಗೆ ಪ್ರಸಾರ ಭಾರತಿ ಮಾಡಿಕೊಂಡಿದ್ದ 246 ಕೋಟಿ ರೂಪಾಯಿ ಗುತ್ತಿಗೆ ಒಪ್ಪಂದದಲ್ಲಿ ಮೇಲ್ನೋಟಕ್ಕೇ ಅಕ್ರಮ ಕಂಡುಬಂದಿದೆ. ಹೀಗಾಗಿ ಕಂಪೆನಿಗೆ ಬಾಕಿ ಕೊಡಬೇಕಿರುವ 96 ಕೋಟಿ ರೂಪಾಯಿಯನ್ನು ತಡೆಹಿಡಿಯಲು ವರದಿಯಲ್ಲಿ ಶಿಫಾರಸು ಮಾಡಲಾಗಿದೆ. ಈ ಶಿಫಾರಸನ್ನು ಇದೀಗ ಪ್ರಸಾರ ಭಾರತಿಗೆ ರವಾನಿಸಲಾಗಿದೆ. ಪ್ರಸಾರ ಭಾರತಿ ಇದನ್ನು ಒಪ್ಪಿಕೊಳ್ಳುವ ಸೂಚನೆಗಳಿವೆ ಎಂದು ಮೂಲಗಳು ತಿಳಿಸಿವೆ.