ನವದೆಹಲಿ( ಪಿಟಿಐ): ದೇಶದ ಅತಿ ದೊಡ್ಡ ಯುದ್ಧ ವಿಮಾನ ವಾಹಕ ನೌಕೆ ‘ಐಎನ್ಎಸ್ ವಿಕ್ರಮಾದಿತ್ಯ’ ಸುಮಾರು ಐದು ವರ್ಷ ತಡವಾಗಿ ಕೊನೆಗೂ ಕಾರವಾರ ನೌಕಾನೆಲೆ ತಲುಪಿದೆ.
₨14260 ಕೋಟಿ ವೆಚ್ಚದ ಈ ನೌಕೆ, ನವೆಂಬರ್ 16ರಂದು ನೌಕಾ ಪಡೆಗೆ ಅಧಿಕೃತವಾಗಿ ಸೇರ್ಪಡೆಯಾದ ಬಳಿಕ ರಷ್ಯಾದಿಂದ ಭಾರತಕ್ಕೆ ಪ್ರಯಾಣ ಬೆಳೆಸಿತ್ತು. ‘ವಿಕ್ರಮಾದಿತ್ಯ’ ಸೇರ್ಪಡೆಯಿಂದ ದೇಶದ ನೌಕಾಪಡೆ ಸಾಮರ್ಥ್ಯ ಗಮನಾರ್ಹವಾಗಿ ವೃದ್ಧಿಯಾಗಲಿದೆ. ಈ ನೌಕೆ ಖರೀದಿಗೆ 2004ರಲ್ಲಿ ಭಾರತವು ರಷ್ಯಾ ಜತೆ ಒಪ್ಪಂದ ಮಾಡಿಕೊಂಡಿತ್ತು.
ಭಾರತವು ಇದೇ ಮೊದಲ ಬಾರಿ ಸ್ವದೇಶಿ ತಂತ್ರಜ್ಞಾನದ ಯುದ್ಧವಿಮಾನ ವಾಹಕವನ್ನು ಕೊಚ್ಚಿಯಲ್ಲಿ ತಯಾರಿಸುತ್ತಿದೆ. ಇದು 2018ರ ಹೊತ್ತಿಗೆ ನೌಕಾಪಡೆಗೆ ನಿಯೋಜನೆಗೊಳ್ಳಬಹುದು.