` ಕಾಲುವೆಗೆ ನೀರು ಹರಿಸಿ'

ನರಗುಂದ:  ನವಿಲುತೀರ್ಥ ಜಲಾಶ ಯದ ನೀರು ಕೇವಲ ಬೆಳಗಾವಿ ಜಿಲ್ಲೆಗೆ ಸೀಮಿತವಾಗಿಲ್ಲ. ಇದನ್ನು ಗದಗ, ಧಾರ ವಾಡ ಜಿಲ್ಲೆಯಲ್ಲಿಯೂ  ಲಕ್ಷಾಂತರ  ರೈತರು ಆಶ್ರಯಿಸಿದ್ದಾರೆ.  ಆದ್ದರಿಂದ  ಈ ಭಾಗದ ಜನರಿಗೆ ಜನವರಿ 15ರವೆರೆಗೂ ಸಮರ್ಪಕವಾಗಿ ನೀರು ಹರಿಸಿದ ನಂತರ ಅದನ್ನು ಸ್ಥಗಿತಗೊಳಿಸುವಲ್ಲಿ  ನೀರಾವರಿ ಅಧಿಕಾರಿಗಳು ಮುಂದಾಗಬೇಕೆಂದು ಕಳಸಾ ಬಂಡೂರಿ ಹೋರಾಟ ಕೇಂದ್ರ ಸಮಿತಿ ಅಧ್ಯಕ್ಷ ವಿಜಯ ಕುಲಕರ್ಣಿ ಒತ್ತಾಯಿಸಿದರು.

ಪಟ್ಟಣದಲ್ಲಿ ಮಾತನಾಡಿದ ಅವರು  ನೀರು ಬಂದ್ ಮಾಡುವಂತೆ ಬೈಲ ಹೊಂಗಲದ ರೈತರು  ಬೆಳಗಾವಿ ಜಿಲ್ಲಾಧಿಕಾರಿಗಳಿಗೆ  ಮನವಿ ಮಾಡಿದ್ದಾರೆ. ಆದರೆ ಅಲ್ಲಿ ನೀರು ಅಶವ್ಯ ವಿಲ್ಲದಿರಬಹುದು. ಆದರೆ ಗದಗ ಹಾಗೂ ಧಾರವಾಡ ಜಿಲ್ಲೆಯ ರೈತರಿಗೆ ಬೆಳೆಗಳಿಗೆ  ಹಾಗೂ ಕೆರೆಗಳಿಗೆ ನೀರು ಅವಶ್ಯವಾಗಿದೆ. ಆದ್ದರಿಂದ ಜನವರಿ 15ರವರೆಗೆ ನೀರು ಹರಿಸಿದರೆ ಮಾತ್ರ ಈ ಭಾಗದ ರೈತರಿಗೆ ಸಮರ್ಪಕವಾಗಿ ನೀರು ಹರಿಯಲು ಸಾಧ್ಯವಿದೆ.