ಇಸ್ಲಾಮಾಬಾದ್(ಐಎಎನ್ಎಸ್): ಲಾಹೋರ್ನಲ್ಲಿ ಸೋಮವಾರ ರಾತ್ರಿ ನಡೆದ ಖ್ಯಾತ ಗಾಯಕ ಅತಿಫ್ ಅಸ್ಲಾಮ್ ಅವರ ಗಾಯನಗೋಷ್ಠಿಯ ಸಂದರ್ಭದಲ್ಲಿ ಸಂಭವಿಸಿದ ನೂಕುನುಗ್ಗಲು ಮತ್ತು ಕಾಲ್ತುಳಿತದಲ್ಲಿ ಮೂವರು ಬಾಲಕಿಯರು ಸತ್ತಿದ್ದು, ಐವರು ಗಾಯಗೊಂಡಿದ್ದಾರೆ.
ಈ ಗಾಯನಗೋಷ್ಠಿಯನ್ನು ಖಾಸಗಿ ಕಾಲೇಜು ಆಯೋಜಿಸಿದ್ದು, ಸುಮಾರು 4,000 ಮಂದಿ ಸೇರಬಹುದಾದ ಸಭಾಂಗಣದಲ್ಲಿ 7,000 ಜನರು ಸೇರಿದ್ದು ಈ ಘಟನೆಗೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ.
ಪಂಜಾಬ್ ಪ್ರಾಂತ್ಯದ ಮುಖ್ಯಮಂತ್ರಿ ಶಹಬಾಜ್ ಶರೀಫ್ ಘಟನೆ ಕುರಿತು ಹೆಚ್ಚಿನ ತನಿಖೆಗೆ ಆದೇಶಿಸಿದ್ದಾರೆ.