ಭರತನಾಟ್ಯ, ಕೂಚಿಪುಡಿ, ಮೋಹಿನಿ ಆಟ್ಟಂ, ಒಡಿಸ್ಸಿ, ಕಥಕ್, ಮಣಿಪುರಿ, ಯಕ್ಷಗಾನ, ಕಥಕ್ಕಳಿ... ವೈವಿಧ್ಯತೆಯಲ್ಲಿ ಏಕತೆ ಬಿಂಬಿಸುವ ಭಾರತದ ನೃತ್ಯ ಪ್ರಕಾರಗಳಿವು.
ದೇಶದ ಅನನ್ಯ ಪರಂಪರೆಯ ಪ್ರತೀಕವಾಗಿರುವ ಈ ನೃತ್ಯ ಪ್ರಕಾರಗಳನ್ನು ‘ಕಿಂಕಿಣಿ’ ನೃತ್ಯಶಾಲೆ ಕಲಾ ರಸಿಕರಿಗೆ ಪರಿಚಯಿಸುತ್ತಿದೆ.
ಜನವರಿ 26ರಿಂದ 31ರ ವರೆಗೆ ನಡೆಯಲಿರುವ 27ನೇ ರಾಷ್ಟ್ರೀಯ ಕಿಂಕಿಣಿ ನೃತ್ಯೋತ್ಸವದಲ್ಲಿ ದೇಶದ ವಿವಿಧ ಭಾಗಗಳ ಪ್ರಸಿದ್ಧ ಕಲಾವಿದರು ಆಯಾ ನೃತ್ಯ ಕ್ಷೇತ್ರದಲ್ಲಿ ತಮ್ಮ ಪರಿಣತಿ ಪ್ರದರ್ಶಿಸುವರು.
ಬುಧವಾರ ಸಂಜೆ 6 ಗಂಟೆಗೆ ಇಸ್ಕಾನ್ ನಿರ್ದೇಶಕ ತಿರುಸ್ವಾಮಿ ಅವರಿಂದ ಉದ್ಘಾಟನೆ. 6.15ಕ್ಕೆ ಪ್ರತೀಕ್ಷಾ ಕಾಶಿ ಅವರಿಂದ ಕೂಚಿಪುಡಿ,
ಸಂಜೆ 7.30ಕ್ಕೆ ಲಕ್ಷ್ಮಿ ಗೋಪಾಲಸ್ವಾಮಿ ಅವರಿಂದ ಭರತನಾಟ್ಯ.
ಸ್ಥಳ: ಜೆಎಸ್ಎಸ್ ಸಭಾಂಗಣ, 1ನೇ ಮುಖ್ಯರಸ್ತೆ, ಜಯನಗರ 8ನೇ ಬ್ಲಾಕ್.