ಇದರ ಜೊತೆಗೆ ಕರ್ದಾಷಿಯಾನ್ಗೆ ಕ್ರಿಸ್ ಜೆನ್ನಿರ್ ಅವರು ನಡೆಸಿಕೊಡುವ ಟಾಕ್ಶೋನಲ್ಲಿ ಮೊದಲ ಬಾರಿಗೆ ಮಗುವನ್ನು ತೋರಿಸಿಕೊಳ್ಳುವ ಇರಾದೆ ಇದೆ ಎಂಬ ಸುದ್ದಿ ಕೂಡ ಹರಿದಾಡಿತ್ತು. ಇದರ ಬೆನ್ನಲ್ಲೇ ಕರ್ದಾಷಿಯಾನ್ ತಮ್ಮ ಮಗಳ ಭರ್ಜರಿ ಫೋಟೋ ಶೂಟ್ಗೂ ಸಿದ್ಧತೆ ನಡೆಸುತ್ತಿದ್ದಾರೆ ಎಂಬ ಗಾಳಿಸುದ್ದಿ ಅಂತರ್ಜಾಲತಾಣಗಳಲ್ಲಿ ಓಡಾಡಿತ್ತು.
ಆದರೆ, ಈ ಗಾಳಿಸುದ್ದಿಯನ್ನು ಕಿಮ್ ಅಲ್ಲಗಳೆದಿದ್ದಾರೆ. `ಅಂತಹ ಯಾವುದೇ ಯೋಜನೆ ನಮ್ಮ ಮುಂದೆ ಇಲ್ಲ. ನಮ್ಮ ಮಗುವನ್ನು `ಕೀಪಿಂಗ್ ಅಪ್ ವಿತ್ ದಿ ಕರ್ದಾಷಿಯಾನ್ಸ್' ಟಾಕ್ಶೋದಲ್ಲಿ ಚಿತ್ರೀಕರಿಸುವ ಬಗ್ಗೆ ಜೆನ್ನರ್ ಜೊತೆ ಯಾವುದೇ ಮಾತುಕತೆ ನಡೆದಿಲ್ಲ ಎಂದಿರುವ ಕಿಮ್ ಮಗುವಿನ ಶೋಷಣೆಯನ್ನು ವಿರೋಧಿಸುವುದಾಗಿ ಹೇಳಿದ್ದಾರೆ. ಜೂನ್ 15ರಂದು ಮಗು ಜನಿಸಿದ್ದು, ಎರಡು ವಾರ ತುಂಬಿದೆಯಷ್ಟೆ.