ಬೆಂಗಳೂರು: ರಾಜ್ಯ ರಸ್ತೆ ಸಾರಿಗೆ ನಿಗಮದ 50 ವರ್ಷಗಳ ಸಾಧನೆ ಬಿಂಬಿಸುವ `ಸಾರಿಗೆಯ 50 ವರ್ಷಗಳು~ ಕೈಪಿಡಿಗೆ ಭಾರತೀಯ ಸಾರ್ವಜನಿಕ ಸಂಪರ್ಕ ಮಂಡಳಿ ನೀಡುವ ಚಿನ್ನದ ಪ್ರಶಸ್ತಿ ಲಭಿಸಿದೆ.
ಅಲ್ಲದೆ, ನಿಗಮದ ನಿಯತಕಾಲಿಕೆ `ಸಾರಿಗೆ ಸಂಪದ~ ಮತ್ತು ಕಾರ್ಪೊರೆಟ್ ಚಲನಚಿತ್ರಕ್ಕೆ ಬೆಳ್ಳಿ ಪ್ರಶಸ್ತಿ ಲಭಿಸಿದೆ.
ಭಾರತೀಯ ಸಾರ್ವಜನಿಕ ಸಂಪರ್ಕ ಮಂಡಳಿಯು ಮುಂಬೈನಲ್ಲಿ ಏರ್ಪಡಿಸಿದ್ದ ಆರನೇ ವಿಶ್ವ ಸಮ್ಮೇಳನದಲ್ಲಿ ನಿಗಮದ ಸಾರ್ವಜನಿಕ ಸಂಪರ್ಕಾಧಿಕಾರಿ ಟಿ.ಎಸ್. ಲತಾ ಅವರು ಪಾಕಿಸ್ತಾನದ ಮಾಜಿ ಕಾನೂನು ಸಚಿವ ಇಕ್ಬಾಲ್ ಹೈದರ್ ಅವರಿಂದ ಪ್ರಶಸ್ತಿ ಸ್ವೀಕರಿಸಿದರು.