ಬೆಂಗಳೂರು: ಕೆನರಾ ಬ್ಯಾಂಕ್ನ ಮಹಿಳೆಯರಿಗಾಗಿ ಇರುವ ಉದ್ಯಮಶೀಲತಾ ಅಭಿವೃದ್ಧಿ ಘಟಕ (ಸಿಇಡಿಡಬ್ಲ್ಯು) ಇಲ್ಲಿನ ಕಬ್ಬನ್ ಪಾರ್ಕ್ನಲ್ಲಿರುವ ‘ಎನ್ಜಿಒ’ಸಭಾಂಗಣದಲ್ಲಿ ಆಯೋಜಿಸಿದ್ದ ‘ಕ್ಯಾನ್ ಉತ್ಸವ -2011ಕ್ಕೆ ಶುಕ್ರವಾರ ತೆರೆಬಿತ್ತು.
ಮೂರು ದಿನಗಳ ಕಾಲ ನಡೆದ ‘ಕ್ಯಾನ್ ಉತ್ಸವ’ದಲ್ಲಿ 50ಕ್ಕೂ ಹೆಚ್ಚು ಮಹಿಳಾ ಗೃಹ ಉದ್ಯಮಿಗಳು ಮಳಿಗೆ ತೆರೆದಿದ್ದು, ಕರಕುಶಲ ವಸ್ತು, ಆಭರಣ, ಆಹಾರ ಪದಾರ್ಥ, ಕೈಮಗ್ಗ ವಸ್ತುಗಳ ಮಾರಾಟ ಮತ್ತು ಪ್ರದರ್ಶನ ನಡೆಯಿತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಭಾರಿ ಹೆಚ್ಚಿನ ವಹಿವಾಟು ದಾಖಲಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.