ನವದೆಹಲಿ: ಕ್ರಿಸ್ ಗೇಲ್ ಮತ್ತು ಕೀರನ್ ಪೊಲಾರ್ಡ್ ಅವರು ಮಧ್ಯಾಹ್ನದ ಅವಧಿಯಲ್ಲಿ ಬ್ಯಾಟ್ ಮೂಲಕ ಅಬ್ಬರಿಸಿದರೆ, ಕೆಮರ್ ರೋಚ್ ರಾತ್ರಿ ಹೊನಲು ಬೆಳಕಿನಲ್ಲಿ ಚೆಂಡಿನ ಮೂಲಕ ಮೆರೆದಾಡಿ ‘ಹ್ಯಾಟ್ರಿಕ್’ ಸಾಧನೆ ಮಾಡಿದರು.ಫಿರೋಜ್ ಷಾ ಕೋಟ್ಲಾ ಕ್ರೀಡಾಂಗಣದಲ್ಲಿ ವೆಸ್ಟ್ ಇಂಡೀಸ್ ತಂಡ ಪುಟಿದೆದ್ದು ನಿಂತಾಗ ಎದುರಾಳಿ ಹಾಲೆಂಡ್ ತಬ್ಬಿಬ್ಬು. ವಿಶ್ವಕಪ್ ಟೂರ್ನಿಯ ‘ಬಿ’ ಗುಂಪಿನ ಪಂದ್ಯದಲ್ಲಿ ಸೋಮವಾರ ವಿಂಡೀಸ್ 215 ರನ್ಗಳ ಭರ್ಜರಿ ಜಯ ಸಾಧಿಸಿತು.
ಮೊದಲು ಬ್ಯಾಟ್ ಮಾಡಿದ ಡರೆನ್ ಸಾಮಿ ನೇತೃತ್ವದ ತಂಡ 50 ಓವರ್ಗಳಲ್ಲಿ 8 ವಿಕೆಟ್ಗೆ 330 ಪೇರಿಸಿದರೆ, ಹಾಲೆಂಡ್ 31.3 ಓವರ್ಗಳಲ್ಲಿ 115 ರನ್ಗಳಿಗೆ ಆಲೌಟಾಯಿತು. ಹ್ಯಾಟ್ರಿಕ್ ಒಳಗೊಂಡಂತೆ ಆರು ವಿಕೆಟ್ ಪಡೆದ ಕೆಮರ್ ರೋಚ್ (27ಕ್ಕೆ 6) ವಿಂಡೀಸ್ ತಂಡದ ‘ಹೀರೊ’ ಎನಿಸಿದರು.ಕ್ರಿಸ್ ಗೇಲ್ (80, 110 ಎಸೆತ, 7 ಬೌಂ. 2 ಸಿಕ್ಸರ್), ಕೀರನ್ ಪೊಲಾರ್ಡ್ (60, 27 ಎಸೆತ, 5 ಬೌಂ, 4 ಸಿಕ್ಸರ್), ಡೆವೊನ್ ಸ್ಮಿತ್ (53, 51 ಎಸೆತ, 9 ಬೌಂ) ಮತ್ತು ರಾಮನರೇಶ್ ಸರವಣ್ (42 ಎಸೆತಗಳಲ್ಲಿ 49) ಅವರು ವಿಂಡೀಸ್ನ ಬೃಹತ್ ಮೊತ್ತಕ್ಕೆ ಕಾರಣರಾದರು.
ರೋಚ್ ಅವರು 32ನೇ ಓವರ್ನ ಮೊದಲ ಮೂರು ಎಸೆತಗಳಲ್ಲಿ ಪೀಟರ್ ಸೀಲಾರ್, ಬರ್ನಾರ್ಡ್ ಲೂಟ್ಸ್ ಮತ್ತು ಬೆರೆಂಡ್ ವೆಸ್ಟ್ಡಿಕ್ ವಿಕೆಟ್ ಪಡೆದು 10ನೇ ವಿಶ್ವಕಪ್ ಟೂರ್ನಿಯ ಮೊದಲ ಹ್ಯಾಟ್ರಿಕ್ ಸಾಧನೆ ತಮ್ಮದಾಗಿಸಿಕೊಂಡರು. ಮಾತ್ರವಲ್ಲ ವಿಶ್ವಕಪ್ನ ಇತಿಹಾಸದಲ್ಲಿ ಇಂತಹ ಸಾಧನೆ ಮಾಡಿದ ಆರನೇ ಬೌಲರ್ ಎನಿಸಿದರು. ಬೃಹತ್ ಮೊತ್ತ ಬೆನ್ನಟ್ಟಿದ ಹಾಲೆಂಡ್ಗೆಸುಲೆಮಾನ್ ಬೆನ್ (28ಕ್ಕೆ 3) ಮತ್ತು ರೋಚ್ ಆರಂಭದಲ್ಲೇ ಆಘಾತ ನೀಡಿದರು. 36 ರನ್ ಗಳಿಸುವಷ್ಟರಲ್ಲಿ ಐದು ವಿಕೆಟ್ ಕಳೆದುಕೊಂಡ ತಂಡ ಬಳಿಕ ಚೇತರಿಸಿಕೊಳ್ಳಲೇ ಇಲ್ಲ. ಟಾಮ್ ಕೂಪರ್ (ಅಜೇಯ 55) ಮಾತ್ರ ವಿಂಡೀಸ್ ದಾಳಿಯನ್ನು ಸಮರ್ಥವಾಗಿ ಮೆಟ್ಟಿನಿಂತರು.
ಭರ್ಜರಿ ಬ್ಯಾಟಿಂಗ್: ಟಾಸ್ ಗೆದ್ದರೂ ಎದುರಾಳಿ ತಂಡವನ್ನು ಬ್ಯಾಟಿಂಗ್ಗೆ ಕಳುಹಿಸಿದ ಹಾಲೆಂಡ್ ನಾಯಕ ಪೀಟರ್ ಬೊರೆನ್ ಅದಕ್ಕೆ ತಕ್ಕ ಬೆಲೆ ತೆತ್ತರು. ವಿಂಡೀಸ್ನ ಅಗ್ರ ಕ್ರಮಾಂಕದ ಎಲ್ಲ ಬ್ಯಾಟ್ಸ್ಮನ್ಗಳು ಮಿಂಚಿದರು. ಯಾರೂ ಶತಕ ಗಳಿಸಲಿಲ್ಲ. ಆದರೂ ತಂಡ 330 ರನ್ ಕಲೆಹಾಕಿತು. ಡೆವೊನ್ ಸ್ಮಿತ್ ಮತ್ತು ಕ್ರಿಸ್ ಗೇಲ್ ಮೊದಲ ವಿಕೆಟ್ಗೆ 16.3 ಓವರ್ಗಳಲ್ಲಿ 100 ರನ್ ಸೇರಿಸಿದರು. ಗೇಲ್ ಆಕ್ರಮಣಕಾರಿ ಆಟಕ್ಕೆ ಮುಂದಾಗಲಿಲ್ಲ. ಅದಕ್ಕೆ ಬದಲು ತಂಡದ ಇನಿಂಗ್ಸ್ಗೆ ಸ್ಥಿರತೆ ಒದಗಿಸಿದರು. ಕೆರಿಬಿಯನ್ ತಂಡದ ಸ್ಕೋರಿಂಗ್ನ ವೇಗ ಹೆಚ್ಚಿಸಿದ್ದು ಕೀರನ್ ಪೊಲಾರ್ಡ್.
ಐಸಿಸಿ ವಿಶ್ವಕಪ್ 2011 ಪಾಯಿಂಟ್ ಪಟ್ಟಿ
‘ಎ’ ಗುಂಪು
ತಂಡ ಪಂದ್ಯ ಜಯ ಸೋಲು ಟೈ ರದ್ದು ಪಾಯಿಂಟ್ ರನ್ರೇಟ್
ಪಾಕಿಸ್ತಾನ 2 2 0 0 0 4 +2.160
ಆಸ್ಟ್ರೇಲಿಯ 2 2 0 0 0 4 +1.813
ಶ್ರೀಲಂಕಾ 2 1 1 0 0 2 +1.990
ನ್ಯೂಜಿಲೆಂಡ್ 2 1 1 0 0 2 +1.507
ಜಿಂಬಾಬ್ವೆ 2 1 1 0 0 2 +0.840
ಕೆನಡಾ 2 0 2 0 0 0 -3.850
ಕೀನ್ಯಾ 2 0 2 0 0 0 -4.897
‘ಬಿ’ ಗುಂಪು
ತಂಡ ಪಂದ್ಯ ಜಯ ಸೋಲು ಟೈ ರದ್ದು ಪಾಯಿಂಟ್ ರನ್ರೇಟ್
ಭಾರತ 2 1 0 1 0 3 +0.870
ಇಂಗ್ಲೆಂಡ್ 2 1 0 1 0 3 +0.126
ವೆಸ್ಟ್ ಇಂಡೀಸ್ 2 1 1 0 0 2 -1.879
ದಕ್ಷಿಣ ಆಫ್ರಿಕ 1 1 0 0 0 2 +0.766
ಬಾಂಗ್ಲಾದೇಶ 2 1 1 0 0 2 -0.600
ಐರ್ಲೆಂಡ್ 1 0 1 0 0 0 -0.540
ಹಾಲೆಂಡ್ 2 0 2 0 0 0 -2.275
ಸ್ಕೋರು ವಿವರ
ವೆಸ್ಟ್ ಇಂಡೀಸ್ 50 ಓವರ್ಗಳಲ್ಲಿ 8 ವಿಕೆಟ್ಗೆ 330ಡೆವೊನ್ ಸ್ಮಿತ್ ಸಿ ಬಾರೆಸಿ ಬಿ ಬರ್ನಾರ್ಡ್ ಲೂಟ್ಸ್ 53
ಕ್ರಿಸ್ ಗೇಲ್ ಸಿ ಕೆರ್ವೆಜಿ ಬಿ ರ್ಯಾನ್ ಟೆನ್ ಡಾಶೆಟ್ 80
ಡರೆನ್ ಬ್ರಾವೊ ಸಿ ಕೆರ್ವೆಜಿ ಬಿ ಪೀಟರ್ ಸೀಲಾರ್ 30
ರಾಮನರೇಶ್ ಸರವಣ್ ಎಲ್ಬಿಡಬ್ಲ್ಯು ಬಿ ಬೆರೆಂಡ್ ವೆಸ್ಟ್ಡಿಕ್ 49
ಕೀರನ್ ಪೊಲಾರ್ಡ್ ಸಿ ಡಾಶೆಟ್ ಬಿ ಮುದಸ್ಸರ್ ಬುಖಾರಿ 60
ಡರೆನ್ ಸಾಮಿ ಸಿ ಕೆರ್ವೆಜಿ ಬಿ ಪೀಟರ್ ಸೀಲಾರ್ 06
ಶಿವನಾರಾಯಣ ಚಂದ್ರಪಾಲ್ ಬಿ ಪೀಟರ್ ಸೀಲಾರ್ 04
ಡೆವೊನ್ ಥಾಮಸ್ ಎಲ್ಬಿಡಬ್ಲ್ಯು ಬಿ ಮುದಸ್ಸರ್ ಬುಖಾರಿ 13
ನಿಕಿತಾ ಮಿಲ್ಲರ್ ಔಟಾಗದೆ 11
ಸುಲೆಮಾನ್ ಬೆನ್ ಔಟಾಗದೆ 03
ಇತರೆ: (ಬೈ-3, ಲೆಗ್ಬೈ-3, ವೈಡ್-14, ನೋಬಾಲ್-1) 21
ವಿಕೆಟ್ ಪತನ: 1-100 (ಸ್ಮಿತ್; 16.3), 2-168 (ಬ್ರಾವೊ; 31.2), 3-196 (ಗೇಲ್; 36.2), 4-261 (ಸರವಣ್; 42.1), 5-278 (ಸಾಮಿ; 43.4), 6-290 (ಚಂದ್ರಪಾಲ್; 45.4), 7-312 (ಪೊಲಾರ್ಡ್; 47.5), 8-326 (ಥಾಮಸ್; 49.4).
ಬೌಲಿಂಗ್: ಮುದಸ್ಸರ್ ಬುಖಾರಿ 10-1-65-2, ಬೆರೆಂಡ್ ವೆಸ್ಟ್ಡಿಕ್ 7-0-56-1, ರ್ಯಾನ್ ಟೆನ್ ಡಾಶೆಟ್ 10-0-77-1, ಬರ್ನಾರ್ಡ್ ಲೂಟ್ಸ್ 7-0-44-1, ಟಾಮ್ ಕೂಪರ್ 6-0-37-0, ಪೀಟರ್ ಸೀಲಾರ್ 10-1-45-3
ಹಾಲೆಂಡ್ 31.3 ಓವರ್ಗಳಲ್ಲಿ 115ಅಲೆಕ್ಸಿ ಕೆರ್ವೆಜಿ ಸ್ಟಂಪ್ ಥಾಮಸ್ ಬಿ ಸುಲೆಮಾನ್ ಬೆನ್ 14
ವೆಸ್ಲಿ ಬಾರೆಸಿ ಸಿ ಗೇಲ್ ಬಿ ಕೆಮರ್ ರೋಚ್ 00
ಟಾಮ್ ಕೂಪರ್ ಔಟಾಗದೆ 55
ರ್ಯಾನ್ ಟೆನ್ ಡಾಶೆಟ್ ಎಲ್ಬಿಡಬ್ಲ್ಯು ಬಿ ಸುಲೆಮಾನ್ ಬೆನ್ 07
ಬಾಸ್ ಜುಡೆರೆಂಟ್ ಬಿ ಕೆಮರ್ ರೋಚ್ 01
ಟಾಮ್ ಡಿ ಗ್ರೂಥ್ ಎಲ್ಬಿಡಬ್ಲ್ಯು ಬಿ ಸುಲೆಮಾನ್ ಬೆನ್ 01
ಪೀಟರ್ ಬೊರೆನ್ ಸಿ ಪೊಲಾರ್ಡ್ ಬಿ ಡರೆನ್ ಸಾಮಿ 10
ಮುದಸ್ಸರ್ ಬುಖಾರಿ ಬಿ ಕೆಮರ್ ರೋಚ್ 24
ಪೀಟರ್ ಸೀಲಾರ್ ಎಲ್ಬಿಡಬ್ಲ್ಯು ಬಿ ಕೆಮರ್ ರೋಚ್ 01
ಬರ್ನಾರ್ಡ್ ಲೂಟ್ಸ್ ಎಲ್ಬಿಡಬ್ಲ್ಯು ಬಿ ಕೆಮರ್ ರೋಚ್ 00
ಬೆರೆಂಡ್ ವೆಸ್ಟ್ಡಿಕ್ ಬಿ ಕೆಮರ್ ರೋಚ್ 00
ಇತರೆ: (ಲೆಗ್ಬೈ-2) 02
ವಿಕೆಟ್ ಪತನ: 1-2 (ಬಾರೆಸಿ; 1.4), 2-26 (ಕೆರ್ವೆಜಿ; 6.4), 3-34 (ಡಾಶೆಟ್; 8.1), 4-35 (ಜುಡೆರೆಂಟ್; 9.3), 5-36 (ಗ್ರೂಥ್; 10.2), 6-56 (ಬೊರೆನ್; 18.1), 7-113 (ಬುಖಾರಿ; 29.4), 8-115 (ಸೀಲಾರ್; 31.1), 9-115 (ಲೂಟ್ಸ್; 31.2), 10-115 (ವೆಸ್ಟ್ಡಿಕ್).
ಬೌಲಿಂಗ್: ಸುಲೆಮಾನ್ ಬೆನ್ 8-1-28-3, ಕೆಮರ್ ರೋಚ್ 8.3-0-27-6, ನಿಕಿತಾ ಮಿಲ್ಲರ್ 7-0-23-0, ಡರೆನ್ ಸಾಮಿ 7-0-33-1, ಕೀರನ್ ಪೊಲಾರ್ಡ್ 1-0-2-0
ಫಲಿತಾಂಶ: ವೆಸ್ಟ್ ಇಂಡೀಸ್ಗೆ 215 ರನ್ ಗೆಲುವು
ಪಾಯಿಂಟ್ಸ್: ವೆಸ್ಟ್ ಇಂಡೀಸ್-2, ಹಾಲೆಂಡ್-0; ಪಂದ್ಯಶ್ರೇಷ್ಠ: ಕೆಮರ್ ರೋಚ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.