ಕೆಲವೆಡೆ ಭೂಕಂಪನ

ಡೆಹ್ರಾಡೂನ್/ ಚಂಡೀಗಡ (ಪಿಟಿಐ): ಪಂಜಾಬ್, ಹರಿಯಾಣ, ಉತ್ತರಾಖಂಡ ರಾಜ್ಯ ಸೇರಿದಂತೆ ಉತ್ತರ ಭಾರತದಲ್ಲಿ ಶುಕ್ರವಾರ ನಸುಕಿನಲ್ಲಿ ಭೂಕಂಪದ ಅನುಭವ ಆಗಿದೆ.

ಮಧ್ಯರಾತ್ರಿ 12.47ರ ವೇಳೆಯಲ್ಲಿ ಸಂಭವಿಸಿದ ಭೂಕಂಪದ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 5ರಷ್ಟಿತ್ತು. ಉತ್ತರ ಕಾಶಿಯ ಬಾರ್‌ಕೋಟ್ ಜಿಲ್ಲೆಯಲ್ಲಿ ಕೆಲವು ಮನೆಗಳ ಗೋಡೆಗಳಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಉತ್ತರಾಖಂಡದ ಯಮುನಾ ಕಣಿವೆಯಲ್ಲಿ ಭೂಕಂಪನ ತೀವ್ರತೆ ಜಾಸ್ತಿಯಾಗಿತ್ತು. ಜನರು ಗಾಬರಿಯಿಂದ ಮನೆಯಿಂದ ಹೊರಗೆ ಬಂದರು ಎನ್ನಲಾಗಿದೆ.