ವಿರಾಜಪೇಟೆ: ಕೋಡಿಮಣಿಯಂಡ ಮತ್ತು ಪಾಲೆಕಂಡ ತಂಡಗಳು ಬಾಳುಗೋಡುವಿನಲ್ಲಿ ನಡೆಯುತ್ತಿರುವ ಮಾದಂಡ ಕಪ್-2013 ಕೊಡವ ಕುಟುಂಬಗಳ ಹಾಕಿ ಉತ್ಸವದಲ್ಲಿ ಭಾನುವಾರ ಭರ್ಜರಿ ಜಯ ಸಾಧಿಸಿತು.
ಬೆಳಿಗ್ಗೆ ನಡೆದ ಮೊದಲ ಪಂದ್ಯದಲ್ಲಿ ಕೋಡಿಮಣಿಯಂಡ ತಂಡವು 8-0 ಗೋಲುಗಳಿಂದ ಮುಂಜಂದಿರ ತಂಡವನ್ನು ಹಣಿಯಿತು. ರಾಜಾ ಪೊನ್ನಣ್ಣ (12ನೇ ನಿಮಿಷ), ಲೋಕೇಶ್ (15ನಿ), ವಿವೇಕ್ ಉತ್ತಪ್ಪ (16ನಿ, 31), ಮೋನಿಷ್ ಅಯ್ಯಪ್ಪ (27ನಿ), ಜಯ ಗಣಪತಿ (28ನಿ), ಗಗನ್ ಮಾದಪ್ಪ (29ನಿ), ಶರತ್ ಕುಟ್ಟಪ್ಪ (35ನಿ) ಗೋಲು ಗಳಿಸಿದರು.
ಪಾಲೆಕಂಡ ತಂಡವು 3-0 ಗೋಲುಗಳಿಂದ ಕೊರವಂಡ ತಂಡದ ವಿರುದ್ಧ ಜಯಿಸಿತು. ದೇವಯ್ಯ (6ನಿ), ಶಾಶ್ವತ್ (20ನಿ), ಬೋಪಣ್ಣ (39ನಿ) ಗೋಲು ಹೊಡೆದರು.