ಕ್ರಿಕೆಟ್: ಭಾರತಕ್ಕೆ ಸುಲಭ ಜಯ

ಪಳ್ಳೆಕೆಲೆ (ಎಎಫ್‌ಪಿ): ವಿರಾಟ್ ಕೊಹ್ಲಿ (68) ಅಬ್ಬರದ ಬ್ಯಾಟಿಂಗ್ ಜೊತೆಗೆ ಇರ್ಫಾನ್ ಪಠಾಣ್ (28ಕ್ಕೆ3) ಮತ್ತು ಅಶೋಕ್ ದಿಂಡಾ (19ಕ್ಕೆ4) ಅವರ ಸಮರ್ಥ ಬೌಲಿಂಗ್ ನೆರವಿನಿಂದ ಭಾರತ ತಂಡ ಇಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ಏಕೈಕ ಟಿ-20 ಕ್ರಿಕೆಟ್ ಪಂದ್ಯದಲ್ಲಿ 39 ರನ್‌ಗಳ ಗೆಲುವು ಸಾಧಿಸಿತು.

ಟಾಸ್ ಗೆದ್ದ ಲಂಕಾ ಫೀಲ್ಡಿಂಗ್ ಆರಿಸಿಕೊಂಡಿತು. ಸಿಕ್ಕ ಬ್ಯಾಟಿಂಗ್ ಅವಕಾಶವನ್ನು ಬಳಸಿಕೊಂಡ `ಮಹಿ~ ಪಡೆ 20 ಓವರ್‌ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 155 ರನ್‌ಗಳ ಗುರಿಯನ್ನು ಲಂಕಾದ ಮುಂದಿಟ್ಟಿತು.

ಲಂಕಾ 18 ಓವರ್‌ಗಳಲ್ಲಿ 116 ರನ್ ಗಳಿಸುವಷ್ಟರಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡಿತು.
ಏಕದಿನ ಕ್ರಿಕೆಟ್ ಸರಣಿಯನ್ನು ಕೈ ವಶಮಾಡಿಕೊಂಡಿದ್ದ ಭಾರತ ಈಗ ಏಕೈಕ ಟಿ-20 ಪಂದ್ಯದಲ್ಲೂ ಗೆಲುವಿನ ನಗೆ ಬೀರಿತು.


ಸ್ಕೋರು ವಿವರ
ಭಾರತ 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 155
ಗೌತಮ್ ಗಂಭೀರ್ ಬಿ ಶಮಿಂದಾ ಎರಂಗಾ  06
ಅಜಿಂಕ್ಯ ರಹಾನೆ ಸಿ ಮತ್ತು ಬಿ ಜೀವನ್ ಮೆಂಡಿಸ್  21
ವಿರಾಟ್ ಕೊಹ್ಲಿ ಸಿ ಲಾಹಿರು ತಿರುಮನ್ನೆ ಬಿ ಶಮಿಂದಾ ಎರಂಗಾ  68
ಸುರೇಶ್ ರೈನಾ ಔಟಾಗದೆ  34
ಮಹೇಂದ್ರ ಸಿಂಗ್ ದೋನಿ ಔಟಾಗದೆ  16
ಇತರೆ: (ಲೆಗ್ ಬೈ-7, ವೈಡ್-3)  10
ವಿಕೆಟ್ ಪತನ: 1-7 (ಗಂಭೀರ್; 1.4), 2-81 (ರಹಾನೆ; 11.3), 3-129 (ಕೊಹ್ಲಿ; 16.3).
ಬೌಲಿಂಗ್: ಆ್ಯಂಜಲೊ ಮ್ಯಾಥ್ಯೂಸ್ 3-0-23-0, ಶಮಿಂದಾ ಎರಂಗಾ 4-0-30-2, ಲಸಿತ್ ಮಾಲಿಂಗ 4-0-31-0, ತಿಸ್ಸಾರ ಪೆರೇರಾ 4-0-34-0, ರಂಗನ್ ಹೆರಾತ್ 3-0-17-0, ಜೀವನ್ ಮೆಂಡಿಸ್ 2-0-13-1.