ಸೌತ್ಯಾಂಪ್ಟನ್ (ಪಿಟಿಐ): ಶ್ರೀಲಂಕಾ ತಂಡದವರು ಇಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಮೂರನೇ ಪಂದ್ಯದಲ್ಲಿ ಸೋಲಿನಿಂದ ಪಾರಾಗಲು ಹೋರಾಟ ನಡೆಸುತ್ತಿದ್ದಾರೆ.
ದಿ ರೋಸ್ ಬೌಲ್ನಲ್ಲಿ ನಡೆಯುತ್ತಿರುವ ಈ ಟೆಸ್ಟ್ ಪಂದ್ಯದ ನಾಲ್ಕನೇ ದಿನವಾದ ಭಾನುವಾರ ಪ್ರವಾಸಿ ಲಂಕಾ 22 ಓವರ್ಗಳಲ್ಲಿ ಒಂದು ವಿಕೆಟ್ ನಷ್ಟಕ್ಕೆ 51 ರನ್ ಗಳಿಸಿತ್ತು. ಇನಿಂಗ್ಸ್ ಸೋಲು ತಪ್ಪಿಸಿಕೊಳ್ಳಲು ಇನ್ನೂ 142 ರನ್ ಕಲೆಹಾಕಬೇಕಾಗಿದೆ.
ಈ ಮೊದಲು ಇಂಗ್ಲೆಂಡ್ ತನ್ನ ಮೊದಲ ಇನಿಂಗ್ಸ್ನಲ್ಲಿ ಇಯಾನ್ ಬೆಲ್ (ಔಟಾಗದೆ 119) ಅವರ ಶತಕದ ನೆರವಿನಿಂದ 92.4 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 377 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು.
ಸಂಕ್ಷಿಪ್ತ ಸ್ಕೋರ್:
ಶ್ರೀಲಂಕಾ: ಮೊದಲ ಇನಿಂಗ್ಸ್: 64.2 ಓವರ್ಗಳಲ್ಲಿ 184 ಹಾಗೂ 22 ಓವರ್ಗಳಲ್ಲಿ ಒಂದು ವಿಕೆಟ್ ನಷ್ಟಕ್ಕೆ 51 (ಲಹಿರು ತಿರಿಮಾನೆ ಬ್ಯಾಟಿಂಗ್ 25; ಜೇಮ್ಸ ಆ್ಯಂಡರ್ಸನ್ 15ಕ್ಕೆ1).
ಇಂಗ್ಲೆಂಡ್: ಮೊದಲ ಇನಿಂಗ್ಸ್: 92.4 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 377 ಡಿಕ್ಲೇರ್ಡ್ (ಅಲಿಸ್ಟರ್ ಕುಕ್ 55, ಕೇವಿನ್ ಪೀಟರ್ಸನ್ 85, ಇಯಾನ್ ಬೆಲ್ ಔಟಾಗದೆ 119, ಎಯೊನ್ ಮಾರ್ಗನ್ 71; ಸುರಂಗ ಲಕ್ಮಲ್ 99ಕ್ಕೆ3).