ಸೌತ್ಹ್ಯಾಂಪ್ಟನ್ (ಎಎಫ್ಪಿ): ಆಸ್ಟ್ರೇಲಿಯಾ ತಂಡದವರು ಇಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಏಕದಿನ ಕ್ರಿಕೆಟ್ ಸರಣಿಯ ಐದನೇ ಪಂದ್ಯದಲ್ಲಿ 49 ರನ್ಗಳ ಗೆಲುವು ಸಾಧಿಸಿದರು. ಈ ಮೂಲಕ ಕಾಂಗರೂ ಬಳಗದವರು ಸರಣಿಯನ್ನು 2–1ರಲ್ಲಿ ಜಯಿಸಿದರು.
ದಿ ರೋಸ್ ಬೌಲ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ನೀಡಿದ್ದ 299 ರನ್ಗಳ ಗುರಿಗೆ ಉತ್ತರವಾಗಿ ಆತಿಥೇಯ ಇಂಗ್ಲೆಂಡ್ 48 ಓವರ್ಗಳಲ್ಲಿ 249 ರನ್ಗಳಿಗೆ ಎಲ್ಲಾ ವಿಕೆಟ್ ಕಳೆದುಕೊಂಡಿತು.
ಈ ಗೆಲುವಿನ ರೂವಾರಿ ವಾಟ್ಸನ್. 107 ಎಸೆತಗಳನ್ನು ಎದುರಿಸಿದ ಅವರು 12 ಬೌಂಡರಿ ಹಾಗೂ 6 ಸಿಕ್ಸರ್ ಬಾರಿಸಿದರು. ಆದರೆ ಇಂಗ್ಲೆಂಡ್ ತಂಡದ ರವಿ ಬೋಪಾರ ಅವರನ್ನು ಹೊರತುಪಡಿಸಿದರೆ ಉಳಿದವರಿಂದ ದೊಡ್ಡ ಮೊತ್ತದ ಆಟ ಮೂಡಿಬರಲಿಲ್ಲ.
ಸಂಕ್ಷಿಪ್ತ ಸ್ಕೋರ್: ಆಸ್ಟ್ರೇಲಿಯಾ: 49.1 ಓವರ್ಗಳಲ್ಲಿ 298 (ಶೇನ್ ವಾಟ್ಸನ್ 143, ಮೈಕಲ್ ಕ್ಲಾರ್ಕ್ 75); ಇಂಗ್ಲೆಂಡ್: 48 ಓವರ್ಗಳಲ್ಲಿ 249 (ಮೈಕೆಲ್ ಕಾರ್ಬೆರಿ 30, ಎಯೋನ್ ಮಾರ್ಗನ್ 30, ರವಿ ಬೋಪಾರ 62, ಜಾಸ್ ಬಟ್ಲರ್ 42, ಬೆನ್ ಸ್ಟೋಕ್ಸ್ 27; ಮಿಷೆಲ್ ಜಾನ್ಸನ್ 21ಕ್ಕೆ2, ಜೇಮ್ಸ್ ಫಾಕ್ನರ್ 38ಕ್ಕೆ3). ಫಲಿತಾಂಶ: ಆಸ್ಟ್ರೇಲಿಯಾಕ್ಕೆ 49 ರನ್ ಹಾಗೂ 2–1ರಲ್ಲಿ ಸರಣಿ ಜಯ. ಪಂದ್ಯ ಶ್ರೇಷ್ಠ: ಶೇನ್ ವಾಟ್ಸನ್, ಸರಣಿ ಶ್ರೇಷ್ಠ: ಮೈಕಲ್ ಕ್ಲಾರ್ಕ್.
ಎಂಸಿಎ ಚುನಾವಣೆ: ಕಣದಲ್ಲಿ ಗೋಪಿನಾಥ್
ಮುಂಬೈ (ಪಿಟಿಐ): ಮಹಾರಾಷ್ಟ್ರ ಮುಖ್ಯಮಂತ್ರಿ ಪೃಥ್ವಿರಾಜ್ ಚವಾಣ್ ಹಾಗೂ ಕೇಂದ್ರ ಸಚಿವ ಶರದ್ ಪವಾರ್ ಅವರು ಮುಂಬೈ ಕ್ರಿಕೆಟ್ ಸಂಸ್ಥೆ (ಎಂಸಿಎ) ಅಧ್ಯಕ್ಷ ಸ್ಥಾನಕ್ಕೆ ಪೈಪೋಟಿ ನಡೆಸುವ ಸಾಧ್ಯತೆಯ ಬೆನ್ನಲ್ಲೇ, ಬಿಜೆಪಿ ನಾಯಕ ಗೋಪಿನಾಥ್ ಮುಂಡೆ ಕೂಡ ಕಣಕ್ಕಿಳಿಯಲು ಮುಂದಾಗಿದ್ದಾರೆ.
ಎಂಸಿಎ ಚುನಾವಣೆ ಅಕ್ಟೋಬರ್ 18ರಂದು ನಡೆಯಲಿದೆ.