ವಿಸ್ತಾರವಾದ ಪ್ರದೇಶದಲ್ಲಿ ನಿರ್ಮಾಣ ಮಾಡಲಾಗಿರುವ ಕ್ರೀಡಾಗ್ರಾಮದಲ್ಲಿ 2,818 ವಸತಿಗೃಹ ಹಾಗೂ ಅಪಾರ್ಟ್ಮೆಂಟ್ಗಳಿವೆ. 15,000 ಜನ ಗ್ರಾಮದಲ್ಲಿ ಇರಲು ವ್ಯವಸ್ಥೆ ಮಾಡಲಾಗಿದೆ. ಲಂಡನ್ ಒಲಿಂಪಿಕ್ಸ್ಗೆ ಒಟ್ಟು 81 ಅಥ್ಲೀಟ್ಗಳು ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ಇವರ ಜೊತೆಗೆ 51 ಮಂದಿ ಅಧಿಕಾರಿಗಳು ಸಹ ಇದ್ದಾರೆ. ಭಾರತದ ಅಥ್ಲೀಟ್ಗಳಿಗೆ ಸಮುದ್ರದ ಸನಿಹವಿರುವ `ಎಸ್-1~ ಕಟ್ಟಡದಲ್ಲಿ ವಾಸಿಸಲು ವ್ಯವಸ್ಥೆ ಮಾಡಲಾಗಿದ್ದು, ಇದಕ್ಕೆ `ಟೈಟನ್~ ಎಂದು ಹೆಸರಿಡಲಾಗಿದೆ.