ಬೆಂಗಳೂರು: ಕ್ಲೌಡ್‌ನೈನ್ ಆಸ್ಪತ್ರೆಗೆ ಬ್ರ್ಯಾಂಡ್ಸ್ ಅಕಾಡೆಮಿಯ 2011ನೇ ಸಾಲಿನ `ಅತ್ಯುತ್ತಮ ಸೇವಾ ಪ್ರಶಸ್ತಿ~ ಲಭಿಸಿದೆ. ನಗರದಲ್ಲಿ ಇತ್ತೀಚೆಗೆ ನಡೆದ ಕಾರ್ಯಕ್ರಮದಲ್ಲಿ ಸಂಸದ ಶಶಿ ತರೂರ್ ಅವರು, ಕ್ಲೌಡ್‌ನೈನ್ ಆಸ್ಪತ್ರೆಗಳ ವ್ಯವಸ್ಥಾಪಕ ನಿರ್ದೇಶಕ ಡಾ. ಕಿಶೋರ್‌ಕುಮಾರ್ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಕಿಶೋರ್‌ಕುಮಾರ್, `ಆರೋಗ್ಯ ಕ್ಷೇತ್ರದಲ್ಲಿ ಪ್ರತಿಷ್ಠಿತವೆನಿಸಿರುವ ಬ್ರ್ಯಾಂಡ್ಸ್ ಅಕಾಡೆಮಿಯ ಪ್ರಶಸ್ತಿ ಪಡೆದಿರುವುದಕ್ಕೆ ಸಂತಸವಾಗುತ್ತಿದೆ. ಚಿಕಿತ್ಸಾ ವಿಧಾನದ ಗುಣಮಟ್ಟ, ಚಿಕಿತ್ಸಾ ವೆಚ್ಚ, ಸಾರ್ವಜನಿಕರ ಅಭಿಪ್ರಾಯ, ಗ್ರಾಹಕರ ತೃಪ್ತಿ, ಅತ್ಯಾಧುನಿಕ ಸೌಲಭ್ಯಗಳನ್ನು ಪರಿಣಿಸುವುದರಿಂದ ಈ ಪ್ರಶಸ್ತಿ ಪಡೆದಿರುವುದಕ್ಕೆ ಹೆಮ್ಮೆ ಎನಿಸುತ್ತಿದೆ~ ಎಂದರು.
`2007ರಲ್ಲಿ ಆರಂಭವಾದ ಆಸ್ಪತ್ರೆಯಲ್ಲಿ ಈವರೆಗೆ 7,500 ಶಿಶುಗಳ ಜನನವಾಗಿದೆ. ಅಸಾಧಾರಣವಾದ ಹಾಗೂ ಕ್ಲಿಷ್ಟಕರ ಹೆರಿಗೆಯನ್ನು ಯಶಸ್ವಿಯಾಗಿ ಮಾಡಲಾಗಿದೆ ಗುಣಮಟ್ಟದ ಚಿಕಿತ್ಸೆಗೆ ಆದ್ಯತೆ ನೀಡಲಾಗಿದೆ. ತಂತಜ್ಞಾನ ಬಳಸಿ ಇನ್ನಷ್ಟು ಉತ್ತಮ ಸೇವೆ ನೀಡಲಾಗುವುದು~ ಎಂದರು.
