ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕ್ವಾರ್ಟರ್ ಫೈನಲ್‌ಗೆ ಶಿವ ಥಾಪಾ

ಏಷ್ಯನ್ ಬಾಕ್ಸಿಂಗ್
Last Updated 5 ಜುಲೈ 2013, 19:59 IST
ಅಕ್ಷರ ಗಾತ್ರ

ನವದೆಹಲಿ (ಪಿಟಿಐ): ಬಾಂಟಮ್‌ವೇಟ್ ಬಾಕ್ಸರ್ ಭಾರತದ ಶಿವ ಥಾಪಾ ಜೋರ್ಡಾನ್‌ನ ಅಮ್ಮನ್‌ನಲ್ಲಿ ನಡೆಯುತ್ತಿರುವ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಎಂಟರ ಘಟ್ಟ ಪ್ರವೇಶಿಸಿದ್ದಾರೆ.

ಥಾಪಾ (56. ಕೆ.ಜಿ.) ಚೈನಿಸ್ ತೈಪೆದ ಲಿ ಲಿನ್ ಯೆನ್ ಅವರನ್ನು ಮಣಿಸಿ ಕ್ವಾರ್ಟರ್ ಫೈನಲ್‌ನಲ್ಲಿ   ಸ್ಥಾನ ಭದ್ರಪಡಿಸಿಕೊಂಡರು. ಶುಕ್ರವಾರದ ಪಂದ್ಯದಲ್ಲಿ `ಬೈ'    ಪಡೆದ ಭಾರತದ ಎಲ್   ದೇವೇಂದ್ರೊ ಸಿಂಗ್ (49 ಕೆ.ಜಿ.) ಅನಾಯಾಸವಾಗಿ ಎಂಟರ ಘಟ್ಟಕ್ಕೆ ಲಗ್ಗೆ ಇಟ್ಟರು.

ಕೆಲವು ತೀಕ್ಷ್ಣ ಹೊಡೆತಗಳಿಂದ ಜಯ ದಾಖಲಿಸಿರುವ ಥಾಪಾ ಮುಂದಿನ ಸುತ್ತಿನಲ್ಲಿ ಕಜಸ್ತಾನ ರಾಷ್ಟ್ರೀಯ ಚಾಂಪಿಯನ್ ಕೈರತ್ ಯೆರಾಲಿಯೆವ್ ವಿರುದ್ಧ ಪೈಪೋಟಿ ನಡೆಸಲಿದ್ದಾರೆ. ದೇವೇಂದ್ರೊ ಉಜ್ಬೇಕಿಸ್ತಾನದ ನೊದಿರ್ಜೊನ್ ಮಿರ್ಜಾಖ್‌ಮೆಡೊವ್ ವಿರುದ್ಧ ಸೆಣಸಲಿದ್ದಾರೆ.

ಭಾರತದ ಮನೋಜ್ ಕುಮಾರ್ (64 ಕೆ.ಜಿ), ಮನ್‌ದೀಪ್ ಜಾಂಗ್ರಾ (69 ಕೆ.ಜಿ.) ಹಾಗೂ  ಸುಖ್‌ದೀಪ್ ಸಿಂಗ್ (75 ಕೆ.ಜಿ.) ಗುರುವಾರವೇ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT