ರಾಮನಗರ: ತಾಲ್ಲೂಕಿನ ಕೈಲಾಂಚ ಹೋಬಳಿ ಸೇರಿದಂತೆ ಹಲವೆಡೆ ಮಂಗಳವಾರ ಸಂಜೆ ಗುಡುಗು, ಗಾಳಿ ಸಹಿತ ಆಲಿಕಲ್ಲು ಮಳೆಯಾಗಿದೆ.
ಕೈಲಾಂಚ ಹೋಬಳಿಯೊಂದರಲ್ಲಿಯೇ 74 ಮಿ.ಮೀ (7.4 ಸೆಂ.ಮೀ) ಮಳೆಯಾದ ವರದಿಯಾಗಿದೆ. ಕವಣಾಪುರ, ಅಂಕನಹಳ್ಳಿ, ಜಕ್ಕನಹಳ್ಳಿ, ಲಕ್ಕೋಜಹಳ್ಳಿಯಲ್ಲಿ ಮಾವಿನ ಕಾಯಿ ಉದುರಿ ಅಂದಾಜು 40 ಲಕ್ಷ ರೂಪಾಯಿ ನಷ್ಟವಾಗಿದೆ. ಗಾಳಿ ಮಳೆಯಿಂದ ರೇಷ್ಮೆ ಹುಳು ಸಾಕಣೆಯ ಮನೆ ಸೇರಿದಂತೆ ಆರು ಮನೆಗಳ ಮೇಲ್ಛಾವಣಿ ಹಾರಿ ಹೋಗಿ ಅಪಾರ ನಷ್ಟ ಉಂಟಾಗಿದೆ ಎಂದು ಕಂದಾಯ ನಿರೀಕ್ಷಕ ಮುನಿರಾಜು `ಪ್ರಜಾವಾಣಿ~ಗೆ ತಿಳಿಸಿದರು. ಮಳೆಯಿಂದ ಹಾನಿಗೀಡಾದ ಪ್ರದೇಶಗಳಿಗೆ ಶಾಸಕ ಕೆ.ರಾಜು, ತಹಶೀಲ್ದಾರ್ ರವಿ ತಿರ್ಲಾಪುರ ಭೇಟಿ ನೀಡಿ ಪರಿಶೀಲಿಸಿದರು.