ಗುರುವಾರ, 9-2-1962
ನ್ಯೂಕ್ಲಿಯರ್ ಅಸ್ತ್ರ ನಿಷೇಧಒಪ್ಪಂದ ಮಾತುಕತೆಗೆ ಸಲಹೆ
ವಾಷಿಂಗ್ಟನ್, ಫೆ. 8 - ನ್ಯೂಕ್ಲಿಯರ್ ಅಸ್ತ್ರನಿಷೇಧ ಒಪ್ಪಂದದ ಬಗ್ಗೆ ರಷ್ಯದೊಡನೆ ಮಾತುಕತೆ ನಡೆಸಲು ವಿದೇಶಾಂಗ ಸಚಿವರ ಸಮ್ಮೇಳನಕ್ಕಾಗಿ ಬ್ರಿಟನ್ ಮತ್ತು ಅಮೆರಿಕಾಗಳು ಇಂದು ಜಂಟಿಯಾಗಿ ಸಲಹೆ ಮಾಡಿವೆ. ಈ ಸಲಹೆಯ ಲಂಡನ್ ಮತ್ತು ವಾಷಿಂಗ್‌ಟನ್‌ಗಳಲ್ಲಿ ಏಕಕಾಲದಲ್ಲಿ ಪ್ರಕಟವಾಯಿತು.
ನಾಲ್ಕನೇ ಯೋಜನೆಯಲ್ಲಿವಿದ್ಯುಚ್ಛಕ್ತಿ ಅಭಿವೃದ್ಧಿ
ನವದೆಹಲಿ, ಫೆ. 8 - ನಾಲ್ಕನೆ ಪಂಚವಾರ್ಷಿಕ ಯೋಜನೆ ಅವಧಿಯಲ್ಲಿ ವಿದ್ಯುಚ್ಛಕ್ತಿ ಅಭಿವೃದ್ಧಿ ಕ್ರಮದ ಸ್ಥೂಲ ರೂಪರೇಷೆಯೊಂದನ್ನು ಕೇಂದ್ರ ನೀರಾವರಿ ಮತ್ತು ವಿದ್ಯುಚ್ಛಕ್ತಿ ಸಚಿವ ಶಾಖೆ, ಯೋಜನಾ ಮಂಡಳಿ ಮತ್ತು ಕೇಂದ್ರ ನೀರು ಹಾಗೂ ವಿದ್ಯುಚ್ಛಕ್ತಿ ಮಂಡಳಿಯ ಅಧಿಕಾರಿಗಳ ತಂಡವೊಂದು ತಯಾರಿಸುತ್ತಿದೆ.
