ಬೆಂಗಳೂರು : ಅಕ್ಷರಶ: ಬೆಂಗಳೂರಿನಲ್ಲಿ ಬೀಸಿದ್ದು `ಗೇಲ್' ಬಿರುಗಾಳಿ. ಅದಕ್ಕೆ ತೂರಿ ಹೋದದ್ದು `ಪುಣೆ'. ಬೆಂಗಳೂರಿನಲ್ಲಿ ನಡೆಯುತ್ತಿರುವ ಐಪಿಎಲ್ ಕ್ರಿಕೆಟ್ ಪಂದ್ಯದಲ್ಲಿ ಕ್ರಿಸ್ ಗೇಲ್ ಗಳಿಸಿದ್ದು 175 ರನ್! ಒಟ್ಟಾರೆ ಪುಣೆಗೆ ಬೆಂಗಳೂರು ನೀಡಿದ ಗುರಿ 264 ! ಅಂತಿಮವಾಗಿ ಬೆಂಗಳೂರಿಗೆ 130 ರನ್ ಗಳ ಭರ್ಜರಿ ಜಯ ಒಲಿಯಿತು.
ತಾವು ಎದುರಿಸಿದ 66 ಎಸೆತಗಳಲ್ಲಿ 17 ಭರ್ಜರಿ ಸಿಕ್ಸರ್ ಹಾಗೂ 13 ಬೌಂಡರಿಗಳನ್ನು ಒಳಗೊಂಡಂತೆ ಗೇಲ್ ಗಳಿಸಿದ್ದು ಬರೋಬರಿ 175 ರನ್‌ಗಳು. ಇದು ಟ್ವೆಂಟಿ-20 ಟೂರ್ನಿಯಲ್ಲಿ ಅತಿ ದೊಡ್ಡ ವೈಯಕ್ತಿಕ ರನ್ ದಾಖಲೆ ಹಾಗೂ ಕೇವಲ 30 ಎಸೆತಗಳಲ್ಲಿ ಶತಕ ಪೂರೈಸಿದ್ದು ಅತಿ ವೇಗದ ಶತಕ ಎಂಬ ದಾಖಲೆಯನ್ನು ಬರೆದಿದೆ.
ಹಾಗೆಯೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗಳಿಸಿದ್ದು 263 ರನ್‌ಗಳು ಇದೂ ಕೂಡ ಟ್ವೆಂಟಿ-20 ಟೂರ್ನಿಯಲ್ಲಿ ದಾಖಲೆಯಾಯಿತು.
ಇದಕ್ಕೆ ಪ್ರತಿಯಾಗಿ ಪುಣೆ ವಾರಿಯರ್ಸ್ ತಂಡ ನಿಗದಿತ 20 ಓವರ್ ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 133 ರನ್ ಗಳಿಸಿತು. ಬೆಂಗಳೂರು 130 ರನ್ ಗಳಷ್ಟು ಭಾರಿ ಅಂತರಲ್ಲಿ ಜಯ ಸಾಧಿಸಿತು. ಹೆಚ್ಚಿನ ವಿವರಗಳಿಗೆ ...
