ಮಧ್ಯಾಹ್ನದ ನಂತರ ಮನೆಗಳ ಮುಂದೆ ಹಟ್ಟಿ ಹಾಕುವ ಮೂಲಕ ವಿವಿಧ ಬಣ್ಣದ ಹೂವು, ಕವಚಿ ಹುಲ್ಲಿನ ಕಟ್ಟು ಹಾಗೂ ಸಗಣಿಯಿಂದ ಮಾಡಿದ ಬೆನಕನನ್ನು ಇಟ್ಟು ಪೂಜೆ ಸಲ್ಲಿಸುವ ಮೂಲಕ ಹಬ್ಬಕ್ಕೆ ಚಾಲನೆ ನೀಡಲಾಯಿತು.
ನಂತರ ಮನೆಗಳ ಮುಂದೆ ಸಾಲು ಸಾಲು ಹಣತೆಗಳನ್ನು ಹಚ್ಚಿಟ್ಟು, ಅದರ ಬೆಳಕಿನಲ್ಲಿ ಹಬ್ಬದ ಸಂಭ್ರಮವನ್ನು ಆಚರಿಸಲಾಯಿತು. ಬೆಳಗುವ ಹಣತೆಗಳ ಬೆಳಕಲ್ಲಿ ಮನೆ, ಮನಗಳ ಕತ್ತಲನ್ನು ಓಡಿಸಿ ಎಲ್ಲೆಡೆ ಬೆಳಕು ಮೂಡಿಸಿ ಈ ಹಬ್ಬವನ್ನು ಸಂಭ್ರಮಿಸಲಾಯಿತು. ಸಂಜೆ ಬಣ್ಣ ಬಣ್ಣದ ಪಟಾಕಿಗಳನ್ನು ಸಿಡಿಸಿ ಹಬ್ಬಕ್ಕೆ ಕಳೆ ನೀಡಲಾಯಿತು.
