ವಾಷಿಂಗ್ಟನ್ (ಎಎಫ್ಪಿ): ಅಲ್ಖೈದಾ ಸಂಘಟನೆಯ ನೂತನ ಮುಖ್ಯಸ್ಥ ಅಯ್ಮನ್ ಅಲ್-ಜವಾಹಿರಿ ಪಾಕಿಸ್ತಾನದಲ್ಲಿ ಅಡಗಿಕೊಂಡಿದ್ದಾನೆ ಎಂದು ಪೆಂಟಗಾನ್ನ ಪ್ರಮುಖ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
`ಜವಾಹಿರಿ ಪಾಕಿಸ್ತಾನ ಬಿಟ್ಟು ಇನ್ನೆಲ್ಲಿಯಾದರೂ ಇರುವ ಬಗ್ಗೆ ನಮಗೆ ಮಾಹಿತಿ ಇಲ್ಲ~ ಎಂದು ಪೆಂಟಗಾನ್ ವಕ್ತಾರ ಜಾರ್ಜ್ ಲಿಟ್ಲ್ ತಿಳಿಸಿದ್ದಾರೆ.
9/11 ರ ದಾಳಿಯ 10ನೇ ವರ್ಷದ ಸಂದರ್ಭದಲ್ಲಿ ಜವಾಹಿರಿ ಜಿಹಾದಿ ವೆಬ್ಸೈಟ್ನಲ್ಲಿ ಒಂದು ಗಂಟೆ ಅವಧಿಯ ವಿಡಿಯೊ ದೃಶ್ಯವನ್ನು ಪ್ರಸಾರ ಮಾಡಿದ ಬೆನ್ನಲ್ಲಿಯೇ ಲಿಟ್ಲ್ ಈ ಹೇಳಿಕೆ ನೀಡಿದ್ದಾರೆ.
ಈಜಿಪ್ಟ್ನ ಮಾಜಿ ಉಗ್ರ ಹಾಗೂ ಅಲ್ಖೈದಾ ಸಂಘಟನೆಯಲ್ಲಿ ಸುದೀರ್ಘ ಅವಧಿಗೆ ಎರಡನೇ ನಾಯನಾಗಿ ಗುರುತಿಸಿಕೊಂಡಿರುವ ಜವಾಹಿರಿ, ಒಸಾಮಾ ಬಿನ್ ಲಾಡೆನ್ ಹತ್ಯೆ ಬಳಿಕ ಸಂಘಟನೆಯ ಸಾರಥ್ಯವನ್ನು ವಹಿಸಿಕೊಂಡಿದ್ದಾನೆ.
2001 ರ ಸೆಪ್ಟೆಂಬರ್ 11 ರ ದಾಳಿ ಬಳಿಕ ಅಮೆರಿಕವು `ಉಗ್ರರ ವಿರುದ್ಧ ಸಮರ~ ಸಾರಿದ ನಂತರ ಜವಾಹಿರಿ ತಲೆಮರೆಸಿಕೊಂಡಿದ್ದಾನೆ.