ವಾಷಿಂಗ್ಟನ್ (ಪಿಟಿಐ): ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ದೇಶದ ಆರ್ಥಿಕ ಪ್ರಗತಿ ಮುನ್ನೋಟವನ್ನು ಶೇ 6ರಿಂದ ಶೇ 5ಕ್ಕೆ ತಗ್ಗಿಸಿದೆ.
`ಐಎಂಎಫ್~ನ `ಜಾಗತಿಕ ಆರ್ಥಿಕ ವರದಿ~ ಮಂಗಳವಾರ ಪ್ರಕಟಗೊಂಡಿದ್ದು, ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ `ಜಿಡಿಪಿ~ ಶೇ 5ರಷ್ಟು ಇರುವುದಾಗಿ ಹೇಳಿದೆ.
ಜಾಗತಿಕ ಆರ್ಥಿಕ ಅಸ್ಥಿರತೆ, ಗರಿಷ್ಠ ಬಡ್ಡಿದರ ಮತ್ತು ರಾಜಕೀಯ ಬಿಕ್ಕಟ್ಟುಗಳಿಂದಾಗಿ ಪ್ರಸಕ್ತ ಹಣಕಾಸು ವರ್ಷದ ಮೊದಲ 6 ತಿಂಗಳಲ್ಲಿ ದೇಶದಲ್ಲಿ ಹೂಡಿಕೆ ಪ್ರಮಾಣ ಗಣನೀಯವಾಗಿ ತಗ್ಗಿದೆ.
ಪರಿಣಾಮವಾಗಿ ಎಲ್ಲ ನಿರೀಕ್ಷೆಗಳೂ ತಲೆಕೆಳಗಾಗಿಸಿದಂತೆ ವಿತ್ತೀಯ ಕೊರತೆ ಅಂತರ ಹೆಚ್ಚಿದೆ. ಇದು ದೇಶದ ಒಟ್ಟಾರೆ ಪ್ರಗತಿ ಮೇಲೆ ಪರಿಣಾಮ ಬೀರಿದೆ ಎಂದು ಗಮನ ಸೆಳೆದಿದೆ. ಒಟ್ಟಾರೆ ಜಾಗತಿಕ `ಜಿಡಿಪಿ~ ಹಿಂದಿನ ವರ್ಷದ ಶೇ 3.6ರಿಂದ ಶೇ 3.3ಕ್ಕೆ ಕುಸಿಯಲಿದೆ ಎಂದೂ ಹೇಳಿದೆ.
