ಕೆಂಗೇರಿ: ಬೆಂಗಳೂರು ನಗರ ನಿರ್ಮಿಸಿದ ಕೆಂಪೇಗೌಡ ಇತಿಹಾಸವನ್ನು ಪ್ರತಿಯೊಬ್ಬರೂ ತಿಳಿದುಕೊಂಡು ಅವರಲ್ಲಿರುವ ಪರೋಪಕಾರಿ ಗುಣಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಿ ಎಂದು ಶಾಸಕ ಎಂ.ಶ್ರೀನಿವಾಸ್ ಕರೆ ನೀಡಿದರು.
ನಾಗರಬಾವಿಯಲ್ಲಿರುವ ಕಂದಾಯ ಭವನದಲ್ಲಿ ಕೊಟ್ಟಿಗೆ ಪಾಳ್ಯದ ವಾರ್ಡ್ ವತಿಯಿಂದ ಆಯೋಜಿಸಿದ್ದ ಕೆಂಪೇಗೌಡ ಜಯಂತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.
ಕೆಂಪೇಗೌಡರು ಅಂದು ನಗರವನ್ನು ನಿರ್ಮಿಸದೇ ಇದ್ದರೆ ಬೆಂಗಳೂರು ವಿಶ್ವ ವಿಖ್ಯಾತರ ತಾಣವಾಗುತ್ತಿರಲಿಲ್ಲ, ನಗರದ ವಾಸವಾಗಿರುವ ಪ್ರತಿಯೊಬ್ಬ ನಾಗರೀಕರು ಕೆಂಪೇಗೌಡರನ್ನು ಸ್ಮರಿಸಬೇಕು ಎಂದರು.
ಮಾಳಗಾಳ್ ಜನತಾ ಕಾಲೋನಿಯ 60 ಜನರಿಗೆ ಹಕ್ಕು ಪತ್ರ ವಿತರಿಸಲಾಯಿತು. ನಿರುದ್ಯೋಗಿ ಯುವಕರಿಗೆ ಬಿಬಿಎಂಪಿಯಿಂದ ಆರ್ಥಿಕ ಸಹಾಯ ಧನದಡಿಯಲ್ಲಿ 20 ಜನರಿಗೆ ಲಘು ವಾಹನಗಳನ್ನು ನೀಡಲಾಯಿತು.ಪಾಲಿಕೆ ಸದಸ್ಯ ವೆಂಕಟೇಶ್ ಬಾಬು, ಉಪ ಆಯುಕ್ತ ರಾಮಚಂದ್ರ, ಅಧಿಕಾರಿಗಳಾದ ಭೀಮಪ್ಪ, ಚಂದ್ರಶೇಖರ್, ವಾಸು ಇತರರು ಹಾಜರಿದ್ದರು.
ವಿವಿ ಪುರಂನಲ್ಲಿ ನೀರಿನ ಅದಾಲತ್