ಬೆಂಗಳೂರು: ದೋಷಪೂರಿತ `ಲ್ಯಾಪ್‌ಟಾಪ್~ ನೀಡಿದ್ದೂ ಅಲ್ಲದೆ, ಅದನ್ನು ರಿಪೇರಿ ಮಾಡದೆ ಗ್ರಾಹಕರೊಬ್ಬರಿಗೆ `ಡೆಲ್~ ಕಂಪೆನಿ ಸಿಬ್ಬಂದಿ ತೊಂದರೆ ನೀಡುವ ಮೂಲಕ ಕರ್ತವ್ಯಲೋಪ ಎಸಗಿದ್ದಾರೆ ಎಂದು 3ನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವೇದಿಕೆ ಅಭಿಪ್ರಾಯ ಪಟ್ಟಿದೆ.
ಈ ಹಿನ್ನೆಲೆಯಲ್ಲಿ, ಅರ್ಜಿದಾರರಾಗಿರುವ ಎಚ್‌ಎಸ್‌ಆರ್ ಲೇಔಟ್ ನಿವಾಸಿ ಪಿ. ಪಿಯುಷ್ ಅವರಿಗೆ ಹೊಸ ಲ್ಯಾಪ್‌ಟಾಪ್ ನೀಡುವಂತೆ ವೇದಿಕೆ ಅಧ್ಯಕ್ಷ ಟಿ. ರಾಜಶೇಖರಯ್ಯ ನೇತೃತ್ವದ ಪೀಠ ಆದೇಶಿಸಿದೆ. ಇದರ ಜೊತೆಗೆ ನ್ಯಾಯಾಲಯ ವೆಚ್ಚದ ರೂಪದಲ್ಲಿ ರೂ 5 ಸಾವಿರ ನೀಡಬೇಕು ಎಂದೂ ಆದೇಶಿಸಲಾಗಿದೆ.
