ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ತುರುವನೂರು: ಬಳಕೆಯಾಗದ ವೀರಸೌಧ

Last Updated 2 ಅಕ್ಟೋಬರ್ 2012, 8:15 IST
ಅಕ್ಷರ ಗಾತ್ರ

ಚಿತ್ರದುರ್ಗ: ತಾಲ್ಲೂಕಿನ ತುರುವನೂರು ಗ್ರಾಮದಲ್ಲಿನ ವೀರಸೌಧ ನಿಷ್ಪ್ರಯೋಜಕವಾಗಿ ಅನೈತಿಕ ಚಟುವಟಿಕೆಗಳ ತಾಣವಾಗಿ ಪರಿವರ್ತನೆಗೊಂಡಿದೆ.

ಸ್ವಾತಂತ್ರ ಯೋಧರ ನೆನಪಿಗಾಗಿ ನಿರ್ಮಿಸಿರುವ ವೀರಸೌಧದ ಅಕ್ಷರಶಃ ಇಂದು ಪಾಳು ಬಿದ್ದಿದೆ. ಈ ಕಟ್ಟಡದ ಮೂಲ ಉದ್ದೇಶವೇ ಈಡೇರುತ್ತಿಲ್ಲ. ಈ ವೀರಸೌಧದ ಬಾಗಿಲು ತೆರೆಯುವುದೇ ಅಪರೂಪ. ಇತ್ತೀಚೆಗೆ ಈ ವೀರಸೌಧ ರೈತ ಸಂಪರ್ಕಕ್ಕೂ ಬಳಕೆಯಾಗುತ್ತಿದ್ದು, ಶೇಂಗಾ ಮತ್ತಿತರರ ಬೀಜಗಳನ್ನು ಸಂಗ್ರಹಿಸಿಡುತ್ತಾರೆ. ಈ ಕಟ್ಟಡದ ಆವರಣ ಸೋಮಾರಿಗಳು ನಿದ್ದೆ ಮಾಡುತ್ತಾರೆ. ಜತೆಗೆ ಇಲ್ಲಿ ಜೂಜಾಟ ಸೇರಿದಂತೆ ಅನೈತಿಕ ಚಟುವಟಿಕೆಗಳು ನಡೆಯುತ್ತಿದ್ದರೂ ಯಾರೂ ಇತ್ತ ಗಮನಹರಿಸಿಲ್ಲ ಎಂದು ಗ್ರಾಮಸ್ಥರು ದೂರಿದ್ದಾರೆ.

ವೀರಸೌಧದ ಕಳಪೆ ಕಾಮಗಾರಿಯಿಂದ ಕಟ್ಟಡದ ಮೇಲ್ಛಾವಣಿ ಕಾಂಕ್ರೀಟ್ ಉದುರುತ್ತಿದೆ. ಈ ವೀರಸೌಧಕ್ಕೆ ಕಂಪೌಂಡ್ ಇಲ್ಲ. ಇದರಿಂದ ಈ ವೀರಸೌಧದ ಜಾಗವನ್ನು ಸಹ ಅಕ್ರಮವಾಗಿ ಕಬಳಿಸುವ ಪ್ರಯತ್ನವೂ ನಡೆಯುತ್ತಿದೆ. ಕಂಪೌಂಡ್ ನಿರ್ಮಿಸಿದರೆ ಒತ್ತುವರಿ ನಿಯಂತ್ರಿಸಲು ಮತ್ತು ಅನೈತಿಕ ಚಟುವಟಿಕೆಗಳನ್ನು ನಿಯಂತ್ರಿಸಲು ಅನುಕೂಲವಾಗುತ್ತದೆ ಎಂದು ಆಗ್ರಹಿಸಿದ್ದಾರೆ.

ಈ ವೀರಸೌಧಕ್ಕೆ ಕಾಯಕಲ್ಪ ನೀಡಿ ರಚನಾತ್ಮಕ ಚಟುವಟಿಕೆಗಳಿಗೆ ಬಳಸಲು ಜಿಲ್ಲಾಡಳಿತ ಕ್ರಮಕೈಗೊಳ್ಳಬೇಕು ಎಂದು ಗ್ರಾಮಸ್ಥರಾದ ಆರ್.ವಿ. ಜಯಪ್ರಕಾಶ, ರವಿಕುಮಾರ್, ಸಿದ್ದೇಶ್, ನಟೇಶ್, ಉಮಾಪತಿ ಆಗ್ರಹಿಸಿದ್ದಾರೆ.
 

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT