ಹೆಮ್ಮೆಯ ಸಂಗತಿ
ಕೃಷಿ ಕಾರ್ಯಗಳಲ್ಲಿ ತಮ್ಮ ಬದುಕನ್ನು ತೊಡಗಿಸಿಕೊಳ್ಳಲು ಹಿಂಜರಿಯುವ ನಮ್ಮ ಕೆಲವು ಜನರ ನಡುವೆ ಅವರಿಗೆ ಅಪವಾದವಾಗಿ, ಇಟಲಿಯ ಮಹಿಳೆ ಸ್ವಿಫಾನಿಯಾ ಕೃಷಿ ಚಟುವಟಿಕೆಗಳಲ್ಲಿ ತೊಡಗಿ ನಮ್ಮ ಸಂಸ್ಕೃತಿಯನ್ನು ಗೌರವಿಸುವುದು ಹೆಮ್ಮೆಯ ಸಂಗತಿ.
-ವಿಭಾ ಮುರಳೀಧರ್, ತುಮಕೂರು.
ಜ್ಞಾನದ ತಾಣ
ಕುವೆಂಪುರವರ ಕುಪ್ಪಳಿಯ ಸಮೀಪ ದೇಸಿ ವಸ್ತುಗಳ ಸಹ್ಯಾದ್ರಿ ವಸ್ತುಸಂಗ್ರಹಾಲಯ ಸ್ಥಾಪಿಸಿರುವುದು ಸಂತಸದ ವಿಷಯ. ಶಾಲಾವಿದ್ಯಾರ್ಥಿಗಳಿಗೆ, ಶಿಕ್ಷಕರಿಗೆ ಇದು ಜ್ಞಾನದ ತಾಣವಾಗಿದೆ. ಪ್ರವಾಸಿಗರಿಗೆ ಕವಿಮನೆ ಹಾಗೂ ವಸ್ತುಸಂಗ್ರಹಾಲಯ ವೀಕ್ಷಿಸಲು ಅನುಕೂಲ ಕಲ್ಪಿಸಿದವರಿಗೆ ಅಭಿನಂದನೆಗಳು.
-ಸುರೇಶ ಅಂಗಡಿ, ಹೂವಿನ ಹಡಗಲಿ.