ನವದೆಹಲಿ(ಪಿಟಿಐ): ಆಸ್ತಿ ವಿಭಜನೆ ಜಗಳದಿಂದ ದೂರವಾಗಿದ್ದ ಶತಕೋಟ್ಯಧೀಶ ಅಂಬಾನಿ ಸೋದರರು ಇದೀಗ ಉದ್ಯಮ ಸಹಕಾರ ನೆಪದಲ್ಲಿ ಕೈಜೋಡಿಸಿದ್ದಾರೆ. ದೂರಸಂಪರ್ಕ ಕ್ಷೇತ್ರದ ಸಹಕಾರದ ಒಪ್ಪಂದ ಮುಕೇಶ್ ಮತ್ತು ಅನಿಲ್ ಅವರನ್ನು ತುಸು ಹತ್ತಿರವಾಗಿಸಿದೆ!
ರೂ.1200 ಕೋಟಿ ಹೂಡಿಕೆಯಲ್ಲಿ ಹೊಸದಾಗಿ ದೂರಸಂಪರ್ಕ ಕಂಪೆನಿ ಆರಂಭಿಸಿರುವ ಮುಕೇಶ್ ಅಂಬಾನಿ, ಕಿರಿಯ ಸೋದರ ಅನಿಲ್ ಅಂಬಾನಿ ಒಡೆತನದ ಕಂಪೆನಿಯ ಆಪ್ಟಿಕಲ್ ಫೈಬರ್ ಕೇಬಲ್(ಒಎಫ್ಸಿ) ಜಾಲ ಬಳಸಿಕೊಳ್ಳುವ ಸಂಬಂಧ ಮಂಗಳವಾರ ಒಪ್ಪಂದ ಮಾಡಿಕೊಂಡರು.
ಅನಿಲ್ ನೇತೃತ್ವದ `ರಿಲಯನ್ಸ್ ಇಂಡಸ್ಟ್ರೀಸ್'ನ ದೂರಸಂಪರ್ಕ ವಿಭಾಗದ ಕಂಪೆನಿ `ಆರ್ ಕಾಮ್' ದೇಶದಾದ್ಯಂತ 1.20 ಲಕ್ಷ ಕಿ.ಮೀ. `ಒಎಫ್ಸಿ' ಜಾಲ ಹೊಂದಿದೆ.