ದೇಶಿ, ವಿದೇಶಿ ಕ್ಷಣಿಕ ಸಮಾವೇಶ

ಭಾರತದಲ್ಲಿ ಉನ್ನತ ಶಿಕ್ಷಣದ ಉತ್ತೇಜನಕ್ಕಾಗಿ ಸ್ಥಾಪಿತವಾಗಿರುವ ಲಾಭರಹಿತ ಸಂಸ್ಥೆ ಇಂಡಸ್ ಫೌಂಡೇಷನ್ ಬೆಂಗಳೂರಲ್ಲಿ ಮಂಗಳವಾರ, ಬುಧವಾರ (ನ. 8,9) ಮೂರನೆ `ಇಂಡೋ ಗ್ಲೋಬಲ್ ಶೈಕ್ಷಣಿಕ ಸಮಾವೇಶ~ ನಡೆಸುತ್ತಿದೆ.

ಇದರಲ್ಲಿ ಅಮೆರಿಕ, ಕೆನಡಾ, ಸ್ವೀಡನ್ ಸೇರಿದಂತೆ ವಿವಿಧ ದೇಶಗಳ 200ಕ್ಕಿಂತ ಹೆಚ್ಚು ವಿವಿಗಳು ಮತ್ತು ಭಾರತದ ನೂರಾರು ವಿವಿಗಳು ಪಾಲ್ಗೊಳ್ಳಲಿದ್ದು, ವಿಜ್ಞಾನ, ಎಂಜಿನಿಯರಿಂಗ್, ವೈದ್ಯಕೀಯ, ಜೈವಿಕ ತಂತ್ರಜ್ಞಾನ, ಪರಿಸರ, ನಿರ್ವಹಣೆ, ಕಲೆ ಮತ್ತಿತರ ಕ್ಷೇತ್ರಗಳಲ್ಲಿ ಪರಸ್ಪರ ಶೈಕ್ಷಣಿಕ ಸಹಯೋಗದ ಸಾಧ್ಯತೆಗಳನ್ನು ಶೋಧಿಸಲಿವೆ.

ಬ್ರಿಟನ್‌ನ ಆ್ಯಸ್ಟನ್, ಬ್ಯಾಂಗೋರ್, ಕೀಲ್, ಕೆನಡಾದ ಕಾರ್ಲ್‌ಟನ್, ಸ್ವೀಡನ್‌ನ ಚಾಲ್ಮರ್ಸ್, ಅಮೆರಿಕದ ಕೆಕ್ ಸ್ಕೂಲ್ ಆಫ್ ಮೆಡಿಸಿನ್, ಹವಾಯಿ, ವರ್ಜೀನಿಯಾ, ವ್ಯೋಮಿಂಗ್, ವೆಸ್ಟ್ ಟೆಕ್ಸಾಸ್, ನ್ಯೂ ಮೆಕ್ಸಿಕೊ ಸ್ಟೇಟ್, ಮಾಲ್ಡೋವಾ ಸ್ಟೇಟ್ ಯುನಿವರ್ಸಿಟಿ ಆಫ್ ಮೆಡಿಸಿನ್ ಅಂಡ್ ಫಾರ್ಮಸಿ, ನೆದರ್‌ಲ್ಯಾಂಡ್‌ನ ಟಿಲ್‌ಬರ್ಗ್ ವಿವಿ ಮುಂತಾದವು ಭಾಗವಹಿಸುತ್ತಿವೆ.

ಭಾರತದಲ್ಲಿ ಕ್ಷಿಪ್ರವಾಗಿ ಬೆಳೆಯುತ್ತಿರುವ ಶೈಕ್ಷಣಿಕ ಅಗತ್ಯಗಳನ್ನು ಪೂರೈಸುವುದಕ್ಕೆ ಭಾರತೀಯ ಸಂಸ್ಥೆಗಳು ಹಾಗೂ ವಿದೇಶಿ ವಿವಿಗಳ ನಡುವೆ ಸಂಶೋಧನೆ, ಪದವಿ ಹಾಗು ಸ್ನಾತಕೋತ್ತರ ಶಿಕ್ಷಣ, ಶಿಕ್ಷಕ ಮತ್ತು ವಿದ್ಯಾರ್ಥಿ ವಿನಿಮಯ, ದೂರ ಶಿಕ್ಷಣ ಮುಂತಾದ ವಿಷಯಗಳಲ್ಲಿ ಸಹಯೋಗ ಅಗತ್ಯ. ಆ ನಿಟ್ಟಿನಲ್ಲಿ ಸಮಾವೇಶ ನೆರವಾಗುತ್ತದೆ ಎನ್ನುತ್ತಾರೆ ಪ್ರತಿಷ್ಠಾನದ ಅಧ್ಯಕ್ಷ ಎಸ್ ಬಿ ಅನುಮೋಲು.

ಮಾಹಿತಿಗೆ: 98440 06736, http: www.indus.org