ಲಂಡನ್ (ಪಿಟಿಐ): ಗಾತ್ರದಲ್ಲಿ ಭೂಮಿಗಿಂತಲೂ ಆರು ಪಟ್ಟು ದೊಡ್ಡದಾದ ಮತ್ತು ಸೂರ್ಯನಂತಹ ನಾಲ್ಕು ನಕ್ಷತ್ರಗಳಿಂದ ಸುತ್ತುವರಿದ ಹೊಸ ಗ್ರಹವೊಂದನ್ನು ಖಗೋಳ ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.
ಯೇಲ್ ವಿಶ್ವವಿದ್ಯಾಲಯದ ನಕ್ಷತ್ರ ಶೋಧ ಯೋಜನೆ ಅಡಿ ಅಮೆರಿಕದ ಹವ್ಯಾಸಿ ಖಗೋಳಶಾಸ್ತ್ರಜ್ಞರು ಪತ್ತೆ ಮಾಡಿರುವ ಈ ಗ್ರಹವು ಅತ್ಯಂತ ಅಪರೂಪದ್ದು ಎನ್ನಲಾಗಿದೆ.
ಇದಕ್ಕೂ ಮೊದಲು ತಮ್ಮ ಸುತ್ತಲಿನ ಕಕ್ಷೆಯಲ್ಲಿ ಎರಡು ನಕ್ಷತ್ರಗಳನ್ನು ಹೊಂದಿದ ಒಟ್ಟು ಆರು ಗ್ರಹಗಳನ್ನು ಖಗೋಳ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದರು.