ಕೋಲ್ಕತ್ತ: ಪಿಚ್ ಸಂಬಂಧ ದೋನಿ ನೀಡಿರುವ ಹೇಳಿಕೆಗೆ ಎಲ್ಲಾ ಕಡೆಯಿಂದ ಟೀಕೆ ವ್ಯಕ್ತವಾಗುತ್ತಿರಬಹುದು. ಆದರೆ ಆ ಹೇಳಿಕೆಗೆ ಎದುರಾಳಿ ತಂಡದ ನಾಯಕ ಅಲಸ್ಟೇರ್ ಕುಕ್ ಬೆಂಬಲ ವ್ಯಕ್ತಪಡಿಸಿದ್ದಾರೆ.
`ಫಲಿತಾಂಶಕ್ಕೆ ಕಾರಣವಾಗದ ಪಿಚ್‌ಗಳನ್ನು ತಯಾರಿಸುವುದರಿಂದ ಪ್ರಯೋಜನವೇನು? ಭಾರತ ತಂಡದವರು ಸ್ವದೇಶದಲ್ಲಿ ಆಡುತ್ತಿರಬಹುದು. ಆದರೆ ತಿರುವು ನೀಡುವು ಪಿಚ್‌ಗಳು ಗೆಲ್ಲಲು ಉಭಯ ತಂಡಗಳಿಗೆ ಸಮನಾದ ಅವಕಾಶ ನೀಡುತ್ತವೆ' ಎಂದು ಇಂಗ್ಲೆಂಡ್ ತಂಡದ ಕುಕ್ ನುಡಿದರು.
`ಮುಂಬೈನಲ್ಲಿ ಕೂಡ ತಿರುವು ನೀಡುವ ಪಿಚ್ ರೂಪಿಸಲಾಗಿತ್ತು. ಅದರಲ್ಲಿ ನಾವು ಗೆಲುವು ಸಾಧಿಸಲಿಲ್ಲವೇ? ಇದೇ ಪಿಚ್‌ನಲ್ಲಿ ಗೆಲ್ಲಲು ಭಾರತಕ್ಕೂ ಸಮನಾದ ಅವಕಾಶವಿತ್ತು' ಎಂದು ಅವರು ಸ್ಪಷ್ಟಪಡಿಸಿದರು.
