ವರ್ಗಾವಣೆ ಪ್ರತಿಭಟಿಸಿ ಬ್ಯಾಂಕ್ ನೌಕರರ ಪ್ರದರ್ಶನ
ಬೆಂಗಳೂರು, ಜ. 4 – ನಗರದ ವಿವಿಧ ಬ್ಯಾಂಕ್ಗಳ ಸುಮಾರು ಒಂದು ಸಾವಿರ ಮಂದಿ ನೌಕರರು ಇಂದು ಸಂಜೆ, ಗಾಂಧೀನಗರದಲ್ಲಿರುವ ಸಿಂಡಿಕೇಟ್ ಬ್ಯಾಂಕಿನ ಎದುರು ಪ್ರದರ್ಶನ ನಡೆಸಿದರು. ಬ್ಯಾಂಕ್ ನೌಕರರ ಸಂಘದ ಹಲವು ಮಂದಿ ಅಧಿಕಾರ ವರ್ಗದವರನ್ನು ಈ ಬ್ಯಾಂಕು ಬೇರೆ ಬೇರೆ ಕಡೆಗಳಿಗೆ ವರ್ಗಾಯಿಸುತ್ತಿರುವ ನೀತಿಯನ್ನು ಪ್ರತಿಭಟಿಸಲು, ಬ್ಯಾಂಕ್ ನೌಕರರ ಫೆಡರೇಷನ್ನಿನವರು ಈ ಪ್ರದರ್ಶನವನ್ನು ಏರ್ಪಡಿಸಿದ್ದರು.