ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ನವ ಯುಗಾದಿಗೆ ಸ್ವಾಗತ

ಚಂದಪದ್ಯ
Last Updated 6 ಏಪ್ರಿಲ್ 2013, 19:59 IST
ಅಕ್ಷರ ಗಾತ್ರ

ಒಂದಾಗಿ ಹಾಡೋಣ ನವವರ್ಷ ಗೀತ
ಸ್ವಾಗತವ ಮಾಡೋಣ ಶುಭದೊಸಗೆ ಸಹಿತ

ಕಾರ್ಮೋಡವೋಸರಿಸಿ ರವಿಯು ಬೆಳಗುತ ಬರಲಿ
ಮಧುಮಯ ಸುವಾರ್ತೆಯನು ಮಾರುತನು ತರಲಿ
ಮಾನವಾಂತಃಕರಣ ಸುಪ್ರಸನ್ನತೆಗೊಳಲಿ
ರಕ್ತರಂಜನೆ ನಿಲಲಿ, ನೀತಿ ಗೆಲಲಿ!

ಉತ್ಪಾತ, ಉನ್ಮಾದ ಉಡುಗಿ ಹೋಗಲಿ ವಿಮಲ
ಉಲ್ಲಾಸದೊಸರುಕ್ಕಿ ಬದುಕ ತೋಯಿಸಲಿ
ಎಲ್ಲವರ ಹೃದಯದಲಿ ಸಲ್ಲಲಿತ ಸುಪ್ರೇಮ
ಪಲ್ಲವಿಸಿ ಸೋದರತೆ ಹಸನುಗೊಳಲಿ

ಮಳೆಬೆಳೆಗಳೆಲ್ಲೆಡೆಯು ಸಮೃದ್ಧವಾಗಿರಲಿ
ತುಷ್ಟಿ ಪುಷ್ಟಿಯು ಶಾಂತಿ ಪಸರಿಸಿರಲಿ
ಅಜ್ಞಾನ, ದಾರಿದ್ರ್ಯವಡಗಿ ಅರಿವಿನ ಬೆಳಕು
ಸರ್ವಚೇತನಗಳನು ಮುನ್ನಡೆಸಲಿ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT