ಬೆಂಗಳೂರು: ನಗರದ ಜಯನಗರದಲ್ಲಿರುವ `ಕ್ಲೌಡ್ ನೈನ್~ ಆಸ್ಪತ್ರೆಯಲ್ಲಿ ಶುಕ್ರವಾರ ಆಂಧ್ರ ಮೂಲದ ನಫೀಸಾ ಎಂಬುವರು ಶುಕ್ರವಾರ ಇಬ್ಬರು ಗಂಡು ಮತ್ತು ಇಬ್ಬರು ಹೆಣ್ಣು ಮಕ್ಕಳಿಗೆ ಜನ್ಮ ನೀಡಿದ್ದಾರೆ. ಗಂಡು ಮಕ್ಕಳು 1.23, 1.02 ಕೆ.ಜಿ. ತೂಕವಿದ್ದು, ಹೆಣ್ಣು ಮಕ್ಕಳು 1.35, 1.21 ಕೆ.ಜಿ. ತೂಕ ಹೊಂದಿದ್ದಾರೆ.
`ಇದು ಹೆರಿಗೆ ಪ್ರಕರಣಗಳಲ್ಲಿಯೇ ಅಪರೂಪದ ಪ್ರಕರಣವಾಗಿದ್ದು, 5 ಲಕ್ಷ ಮಂದಿಯಲ್ಲಿ ಒಬ್ಬ ತಾಯಿ 4 ಮಕ್ಕಳಿಗೆ ಜನ್ಮ ನೀಡುವ ಸಾಧ್ಯತೆಯಿದೆ~ ಎಂದು ಆಸ್ಪತ್ರೆಯ ಹಿರಿಯ ವೈದ್ಯೆ ಡಾ.ಲೀಲಾ ಭಗವಾನ್ ತಿಳಿಸಿದರು.