ಪ್ರಾದೇಶಿಕ ಭಾಷೆಗಳಲ್ಲಿ ನಟಿಸುವಾಗ ಸಿಕ್ಕುವ ನೆಮ್ಮದಿ ಬಾಲಿವುಡ್ ಚಿತ್ರಗಳಲ್ಲಿ ನಟಿಸುವಾಗ ಸಿಕ್ಕುವುದಿಲ್ಲ ಎನ್ನುತ್ತಿದ್ದಾರೆ ನಟಿ ನೀತೂ ಚಂದ್ರ.
ಕಳೆದ ಒಂದು ವರ್ಷದಿಂದ ಹಿಂದಿ ಸಿನಿಮಾಗಳಿಗೆ ಬೆನ್ನುಹಾಕಿದಂತೆ ತೋರುವ ನೀತೂಗೆ ಉತ್ತಮ ಕಥೆಯುಳ್ಳ, ಉತ್ತಮ ಪಾತ್ರವುಳ್ಳ ಪ್ರಾದೇಶಿಕ ಸಿನಿಮಾಗಳಲ್ಲೇ ನಟಿಸುವುದೇ ಹೆಚ್ಚು ಖುಷಿ ಕೊಟ್ಟಿದೆಯಂತೆ.
ನೀತೂ ಈ ಹಿಂದೆ `ಗರಂ ಮಸಾಲಾ', `ಓಯೆ ಲಕ್ಕಿ ಲಕ್ಕಿ ಓಯೆ' ಮತ್ತು `ಟ್ರಾಫಿಕ್ ಸಿಗ್ನಲ್' ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಇವರ ಬಹು ನಿರೀಕ್ಷಿತ `ಕುಚ್ ಲವ್ ಜೈಸಾ' ಚಿತ್ರ ಬಾಕ್ಸ್ಆಫೀಸ್ನಲ್ಲಿ ಮಕಾಡೆ ಮಲಗಿಕೊಂಡಿತ್ತು. ಅಲ್ಲಿಂದ ಅವರು ಬಾಲಿವುಡ್ಗೆ ಬೆನ್ನುಹಾಕಲು ಆರಂಭಿಸಿದರು. ತಮಿಳು ಹಾಗೂ ತೆಲುಗು ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ನೀತೂ ಕೈಯಲ್ಲಿ ಈಗ `ಹೋಂ ಸ್ವೀಟ್ ಹೋಂ' ಎಂಬ ಗ್ರೀಕ್ ಚಿತ್ರ ಕೂಡ ಇದೆ. `ಕಳೆದ ಆರು ವರ್ಷಗಳಿಂದ ನಾನು ಉತ್ತಮ ಚಿತ್ರಕಥೆಯುಳ್ಳ, ಪ್ರೇಕ್ಷಕರ ಮನಸ್ಸಿಗೆ ಇಷ್ಟವಾಗುವಂಥ ಸಿನಿಮಾಗಳಲ್ಲಿ ನಟಿಸಿದ್ದೇನೆ. ಅದು ಎಷ್ಟು ಜನರನ್ನು ತಲುಪಿತು ಎಂದು ಸಮೀಕ್ಷೆ ಮಾಡಲು ಹೋಗುವುದಿಲ್ಲ.