ಲಂಡನ್ (ಪಿಟಿಐ): ನೀರಿನ ಸಹಾಯವಿಲ್ಲದೇ ಮೊಟ್ಟೆಯನ್ನು ಬೇಯಿಸುವ ಸಾಮರ್ಥ್ಯ ಹೊಂದಿರುವ ರಟ್ಟಿನಿಂದ ಮಾಡಿದ ವಿಶಿಷ್ಟವಾದ ಪೆಟ್ಟಿಗೆಯನ್ನು ವಿಜ್ಞಾನಿಗಳು ರೂಪಿಸಿದ್ದಾರೆ.
ಈ ರಟ್ಟಿನ ಪೆಟ್ಟಿಗೆಯು ರಾಸಾಯನಿಕ ಪದರವನ್ನು ಹೊಂದಿದ್ದು, ಇದು ಶಾಖವನ್ನು ಉತ್ಪಾದಿಸಿ ಒಳಗಿರುವ ಮೊಟ್ಟೆಯನ್ನು ಎರಡು ನಿಮಿಷಗಳಲ್ಲಿ ಬೇಯಿಸುತ್ತದೆ.
ನೀರಲ್ಲಿ ಮೊಟ್ಟೆ ಬೇಯಲು ತೆಗೆದುಕೊಳ್ಳುವ ಅರ್ಧಕ್ಕಿಂತಲೂ ಕಡಿಮೆ ಸಮಯದಲ್ಲಿ ಈ ಪೆಟ್ಟಿಗೆಯು ಮೊಟ್ಟೆಯನ್ನು ಬೇಯಿಸುತ್ತದೆ.
ರಷ್ಯಾದಲ್ಲಿ ದೊರಕುವ ಮೊಟ್ಟೆಯಿಂದ ಮಾಡುವ `ಗೊಗೊಲ್ ಮೊಗೊಲ್' ಎಂಬ ತಿನಿಸಿನ ಹೆಸರನ್ನು ಈ ಪೆಟ್ಟಿಗೆಗೆ ಇಡಲಾಗಿದೆ. `ಕೆಐಎಎನ್' ಎಂಬ ರಷ್ಯಾದ ತಜ್ಞರ ತಂಡ ವಿಶಿಷ್ಟ ಪೆಟ್ಟಿಗೆಯನ್ನು ರೂಪಿಸಿದೆ.